Nesesidade Obriga, Labarik Involve Negosiu

Nesesidade Obriga, Labarik Involve Negosiu

- in Metro
472
0
easttimor

DILI-Realidade hatudu dadaun labarik barak kontinua halo negosiu iha dalan-ninin liuliu iha Kapital Dili tanba, situasaun nesesidade ekonomia uma- laran obriga.

Situasaun nee mak akontese ba Azelio da Silva maske idade kiik, foin halo tinan 13. Maibe, esforsu –aan hola parte iha vida negosiu iha area Largo Lecidere Dili faan ai-fuan lasura kolen.

Tuir Azelio katak, hakarak ka lakohi nia tenki halo negosiu hodi reforsa inan-aman sustenta familia uma-laran.

Hau buka osan atu sustenta moris uma-laran. Maske sente kole tanba lao loro-manas maibe tenke obriga-aan hodi ajuda inan- aman tanba ekonomia uma-laran ladun sustentavel,”katak Azelio ba STL iha Largo Lecidere, Segunda (11/9/2017).

Tuir Azelio katak, sasan hanesan manu-tolun nee nia faan laos ninia rasik. Sasan nee ema seluk nian mak nia faan, kada fulan nia hetan rendementu $ 80 Dolar Americanu.

Iha fatin hanesan, Adolfu da Silva tinan (14) nuudar Estudante Ensinu Basiku No 3 Bidau dehan, nia hola parte iha vida negosiu faan nasi kotak hodi sustenta familia uma-laran.

Tuir Estudante Ensinu Basiku No 3 Bidau katak, oras ba nia halao atividade negosiu hahu dadersan tenke lori nasi kotak neebe nia aman  prepara ba faan iha are Lecidere.

Husi rejultadu faan nee, osan neebe hetan balu uza ba  nesesidade eskola no sustenta uma-laran.

Razaun faan iha area Lecidere katak, Adolfu, tanba iha area Largo Lecidere hanesan fatin publiku neebe nakonu ho ema husi rai-loron too kalan. Nasi kotakneebe  nia faan kada falun ho folin 50 centavus, ho nia rendementu kada loron   bele too U$ 20 Dolar Amerikanu.

Nunee mos, tuir observasaun STL maske labarik sira nee idade kiik maibe, sira iha vontade neebe aas hola parte iha vida negosiu hodi ajuda inan-aman.(Estajiadu 4).

Facebook Comments

Leave a Reply

Your email address will not be published. Required fields are marked *