Negosiu Online La Fo Reisatas Ba Estadu

Negosiu Online La Fo Reisatas Ba Estadu

- in Economics
960
0
Call Center

DILI – Governu liu husi ministeriu komersiu Industria e ambiente MCIA, sei regula atividade negosiu neebe liu husi Internet ou Online, tanba atividade refere la kontribui reseitas ba kofre estadu.

Ita tenke regula duni atividade negosiu sira neebe maka liu husi online, tanba atividade nee la kontribui resetas ba konfre estadu,” Kestaun nee fo sai husi Diretur Nasional Komersiu e regulamentu MCIA, Domingos Guterres ba STL Sesta (08/09/2017) iha nia knaar fatin Bebora Dili.

Nia mos informa liu tan katak, TL oras nee avansadu tebes ho atividade negosiu iha rai laran maibe tuir identifikasaun husi parte komersiu nian haree katak, negosiu liu husi internet ou online nee barak tebes, no atividade nee tenke regula duni tanba la kontribui reseitas ba kofre estadu.

Tuir nia katak, haree ba reseitas kada tinan kiik tebes, tanba nee hahu agora tenke regula dadauk ona atividade kiik oan sira nee atu nunee bele kontribui resetas ba konfre estadu. Tanba negosiu online, sasan nee faan nain sira titip husi rai liur mai hodi fo ba sosa nain sira no osan nee, tranfere liu husi banku nee kontribui reseitas tan nee tenke regula.

Nia mos informa tan katak, governu foti ona disizaun atu regula duni negosiu online tanba, haree ba parte ida la selu impostu no ida seluk maka atividade negosiu online nee la fo servisu ba Timor oan, tan nee hamosu numeru dezempregu kontinua aas iha rai laran.

Iha parte seluk Diretur Camara Comersiu Industria TL CCI-TL, Nuno Trindade hateten, sasan sira neebe maka ema faan liu husi online nee, hanesan parte ida atu hadia ekonomia ema nian, tanba Timor oan barak mos hola parte iha atividade negosiu online nee.

Hau hanoin ita labele taka dalan ba Timor oan sira neebe hakarak halo negosiu liu husi online, maibe knar governu nian buka atu regula liu liu husi lisensa negosiu, atu nunee bele kontribui resetas ba estadu, tanba atividade negosiu online hanesan parte ida, atu dezenvolve ekonomia povu nian,”informa nia.

Nunee mos eis Deputada Jacinta Pereira hateten, atividade negosiu online nee hanesan parte ida atu fo benefisu ba ema sira neebe maka faan, tanba sasan hanesan roupa, Sepatu no sira seluk nee ema posting deit iha Facebook, semak laran monu kona sasan nee hein pesan deit, no nia prosesu semana ida ita bele simu ona, tanba nee kontribusaun ba resetas nee laiha karik planu governu nian atu regula, nee diak liu tan. Madalena Horta

Facebook Comments

Leave a Reply

Your email address will not be published. Required fields are marked *