Negosiante Nafatin Faan Iha Dalan

Negosiante Nafatin Faan Iha Dalan

- in Metro
373
0
Merkadu-Taibesi-615x295

DILI-Negosiante barak too agora kontinua faan iha dalan ninin inklui trotoar leten tanba falta sosializasaun.

Tuir Direktur Asosiasaun HAK Manuel Monteiru katak, dadaun maluk negosiante barak kontinua faan iha dala ninin liu-liu iha trotoar leten. Tanba kestaun mekanismu kontrolu neebe ladun diak, nunee mos menus sosializasaun husi parte kompetente.

Ita nia Guarda Munisipiu Dili (GMD) labele halo deit maneira intervesaun neebe ladun diak hodi halo hasoru maluk negosiante sira. Maibe antes nee Autoridade Munisipiu Dili lakohi halo sosializasaun neebe diak liu-liu ba kestaun negosiu nian oinsa ba komunidade neebe halo negosiu ho diak,” dehan Manuel Monteiro ba STL iha nian knar fatin Farol Dili, Kinta (16/3/2017).

Nia dehan ba kestaun negosiante neebe dadaun kontinua faa iha dala ninin nee laos sira maka laiha konsesia. Maibe, ida nee mos parte ida husi mekanismu kontrolu neebe ladun diak husi Autoridade Munisipiu Dili.

Ita nian negosiante sira mos presiza negosiu hodi nunee bele hetan netik lukrus hodi sustenta vida mosis loron-loron. Tanba, nuudar ema moris presiza nesesidade, nee mak obriga ita atu halo servisu liu husi dalan sira nunee,” dehan Manuel.

Nee duni, husu Guarda Munisipiu Dili atu labele trata negosiante,  labele viola negosiante sira nian direitu hodi faan  iha dalan ninin. Maibe, kuandu iha kestaun balun nee tenke resolve tuir dalan regulamentu hodi nunee labele kria desentendimentu iha futuru.

Nunee mos, deputadu husi bankankada CNRT Jacinto Viegas dehan,  dala barak ita koalia kona-ba kestaun negosiante sira husi Parlamentu Nasional (PN) deputadu sira mos kestiona kona-ba  asuntu negosiante dalan ninin sira.

Ita nian negosiante sira nee sempre ita koalia bebeik ona liu-liu ba iha fatin halo negosiu esforsu Ministeriu Komersiu Industria no Ambiente nia neebe estabelese ona sentru merkadu rua hanesan Merkadu Manleuana ho Merkadu Taibesi maibe, negosiante sira nafatin hili dalan ninin hodi halo negosiu,”katak Jacinto.

Nia hatutan liu tan atu organiza negosiantte nee ho diak hodi Sidade Dili labele desorganizadu liu-liu ba kestaun negosiu Autoridade Munisipiu Dili mak regula didiak liu- liu ba iha kestaun kria mekanismu kontrolu.

Ita nian Autoridade Munisipiu Dili tenke halo jestaun liu husi mekanismu kotrolu tanba sira iha ona poder tomak neebe husi governu sentral fo ona “ dehan deputadu Viegas.

Hatan ba problema nee, Prezidente Autoridade Munisipiu Dili Gaspar Soares dehan negosiante neebe kontinua faan iha dalan ninin nee tanba menus kosesia.

Ita nian negosiante sira laiha konsesia tanba laos ba iha parte sosializaun mak menus. Tanba antes nee husi Autoridade Munisipiu Dili fo hatene ona ba negosiante sira,”katak Gaspar.

Negosiante sira rasik mak lakopera tanba iha lei numeiru 33/2008 klaru ona ba negosiante sira atu halo negosiu iha dalan publiku tantu trotoar neebe ligadu ba iha orden publiku. Natalino T.da Costa

Facebook Comments

Leave a Reply

Your email address will not be published. Required fields are marked *