Negosiante Farol Sente Laseguru

Negosiante Farol Sente Laseguru

- in Metro
457
0
Hadau Rai

DILI—Negosiante sira neebe halao atividade negosiu iha Farol, Suku Motael, Postu Administrativu Vera-Cruz sente laseguru halao negosiu tanba inpaktu husi rai-rahun.

Tuir Julio de Araujo nuudar negosiantes katak, nia hola inisiativa halao vida negosiu iha fatin neeba tanba nesesidade uma-laran. Nee duni, maske fatin laseguru maibe hakarak ka lakohi tenki fila-liman duni.

Maske fatin nee laseguru tanba fatin iha estrada ninin nee duni movimentu kareta-motor barak hamosu rai-rahun maibe kontinua faan,”katak Julio ba STL iha Farol Dili, Kuarta (13/9/2017).

 Tuir Julio katak, fatin bele rai-rahun maibe nia tenke fila-liman iha neeba tanba faan iha neeba sasan folin. Kada loron nia hetan lukru neebe mak laboot liu, maibe iha rendimentu neebe sufisiante hodi sustenta ba nia eskola.

Nunee mos, Tomas dos Santos nuudar mos negosiantes dehan, nia ladun kontente fila-liman iha area Farol, maibe nia tenke fila-liman iha neeba tanba laiha fatin ba nia.

Hau faan iha nee hanesan produtu kios nia deit, maibe loron ida hetan lukru U$ 40.00 Dolar Amerikanu,”katak Tomas.

Nia hatuta iha nee ema barak sosa liuliu kondutor sira halao movimentu hakarak hola sigaru no pulsa, tanba faan iha nee besik estrada.

Iha fatin hanesa Evaristo Soare nuudar negosiante dehan, nia  fila-liman iha neeba maske fatin laseguru tanba rai-rahun, maibe tenke halao loro-loron,tanba laiha fatin seluk ba nia atu halo negosiu.

“Hau faan produtu hirak nee para buka osan, hodi sustenta nesesidade ekonomia uma-laran,” dehan Evaristo.Estajiadu-4.*

Facebook Comments

Leave a Reply

Your email address will not be published. Required fields are marked *