Negosiante Agradese Bazar Baratu

Negosiante Agradese Bazar Baratu

- in Economics
14809
0
Faan OB

DILI — Natal lori ksolok sarani sira, mos benefisiu ba negosiante neebe buka moris liu husi negosiu. Hanoin governu nian hodi loke bazar baratu iha area Colmera no Kamp Alor, lori rendementu diak ba negosiantes sira. Vizitante barak mak ba iha bazar baratu hodi sosa roupa no sepatu ba Natal no Tinan foun nian.

Tuir Tomas da Silva (negosiante), hanoin governu nian hodi loke bazar baratu, ajuda tebes komunidade sira atu hetan ropa baratu ba natal nian no tinan foun nian, mos ajuda rendementu negosiante.

Hanesan negosiante, hau agradese ba governu neebe bele loke bazar baratu nee ba ami hodi hasae ami nian rendementu,” dehan Tomas ba Jornalista Sabadu (23/12/2017) iha Colmera bainhira halo hela atividade negosiu (faan roupa).

Nia hatutan kada tinan negosiante sira sempre buka fatin hodi loke bazar baratu, maibe situasaun ladun seguru hanesan atual, negosiante sira faan sasan hafuhu malu hela autoridade saniamentu nian, maibe bazar baratu agora hetan autorizasaun husi governu.

Nia akresenta hanesan negosiantes merese atu agradese ba governu neebe fo oportunidade ba negosiantes sira hodi bele faan sasan ba natal no tinan foun nian iha fatin pubilku.

Durante semana hirak nia laran hau hetan rendimentu barak tebes,” komenta Tomas.

Negosiante nee informa Munisipiu Dili iha merkadu barak, hanesan Taibesi ho Manleuana, maibe tanba kestaun distansia, menus vizitante. Tanba nee ho loke bazar baratu iha Colmera, no Kampu Alor, fasilita komunidade asesu ba sasan neebe presiza ba Natal no tinan foun.

Antes nee hau halao atividade negosiu iha merkadu Taibesi, maibe problema distansia ema labele hakat ba too iha neeba, nee afeta tebes ba ami nia rendementu,” relata Tomas.

Iha fatin hanesan negosiante, Ivan Babtispa dehan tinan ida nee nakonu ho ksolok, tanba bele hetan rendimentu diak no rame tebes.

Hau hanesan estudante neebe aproveita tempu hodi mai ajuda hau nia inan aman iha loron importante ida nee tanba nee laos lor loron, maibe tinan ida dala ida no governu fo lisensa ba ami hodi faan sasan iha fatin publiku,” tenik Ivan.

Entretantu Komunidade husi Bairo Kolmera Serli Maia dehan nian sente kontente ho Natal ida nee diferente tebes. Apezar Timor Leste hetan krize politika, maibe la satan povu kiik atu kontinua buka sira nia moris. “Ami kontente tanba bele buka roupa no sapatu Natal iha loja sira ho folin karun, agora bele asesu ho folin baratu,” dehan nia. Madalena Horta

Facebook Comments

Leave a Reply

Your email address will not be published. Required fields are marked *