Negosia Fronteira Maritima TL-Australia Tenki Uza Media Line

Negosia Fronteira Maritima TL-Australia Tenki Uza Media Line

- in Notisias Online, Top News
934
0
world_et

DILI – Reprezentante povu iha uma fukun Parlamentu Nasional (PN) husu governu Australia no Timor Leste halo negosiasaun fronteira maritime, tenki uza media line tuir lei internasional nian.

Tuir Xefi Bankada Fretilin Aniceto Guterres katak Australia nasaun neebe mak forte no Boot bele fo ezemplu diak ba nasaun mundu konaba demokrasia no respeitu direitu internasional ho ekonomia mundial.

Ami hamutuk ho ami nia lider sira hodi buka atu hetan direitu soberania povu ida nee nian, Ami husu deit ami nia vizinu hanesan Australia bele respeita povu Timor Leste nia direitu tuir lei Internasional,” dehan Aniceto liu sesaun plenaria, Kinta (03/03/2016) iha PN wainhira hetan vizita husi Governador Jeral Australia.

Nia hatete Timor Leste oras nee hein nafatin nia dereitu soberania maske lori tempu neebe mak badak no naruk, tan nee hein loron ruma governu Australia nia laran diak bele negosia neebe direitu povu Timor nian.

Nunee mos Xefi bankada CNRT Natalino dos Santo katak Povu Timor Leste respeita povu Australia nia dignidade no direitu neebe Australia defende, maibe oras nee Timor Leste sai nasaun neebe mak independente maibe Timor Leste nia idenpendensia seidauk kompletu.

Iha fatin hanesan Reprezentante bankada Partidu Demokratiku, Jacinta Abu Cau Pereira katak sidadaun hotu-hotu hatene manifestasaun sira neebe halo iha Australia no Timor Leste, ho objetivu ida deit mak husu governu Timor Leste no Australia tur hamutuk hodi rezolve fonteira maritima. Informasaun kompletu iha STL jornal no STL Web, edisaun Sesta (4/3/2016). Timotio Gusmao

Komentariu

Facebook Comments

Leave a Reply

Your email address will not be published. Required fields are marked *