Naval  Tuir Formasaun  Iha Australia

Naval  Tuir Formasaun  Iha Australia

- in Politics
94
0
Major_Calisto_Santos_Coli

HERA-Membru Falintil-Forsa Defeza Timor-Leste (F-FDTL), husi Komponente Naval hamutuk nain 25, Sabadu 23/11/2019  sei aranka ba Australia hodi ba tuir formasaun.

Membru Naval hirak nee sei tuir formasaun durante semana tolu iha ro MV SYCAMORE HARBOUR hodi prepara rekursu umanu atu lori ro boot rua neebe Governu Australia sei fo mai Timor Leste iha 2023.

Hafon remata seremonia despedida, Xefe Estadu Maior, Koronel Calisto Santos “Coliati” ba jornalista sira dehan seremonia nee hanesan despedida ba membru komponente naval membru   nain 25 neebe aranka ba Australia hodi hola parte iha ezeresisiu ida ho naran SYCAMORE.

Nia hatutan objetivu husi ezersisiu nee mak atu kapasita membru  F-FDTL espesial liu iha komponente naval, oinsa bele hatene halo operasaun ba ro.

Iha tinan 2023 ita sei simu oferta ro patrolla rua husi Australia, tan nee antes ita atu simu ro rua nee ita tenke preprara an, liu-liu militar sira neebe aban bain rua sei halo operasaun ba ro rua nee,dehan  Coliati ba Jornalista sira iha Kuartel komponente naval Hera, Sesta, (22/11/2019).

Coliati informa, formasaun  ka ezersisiu nee rasik sei halao durante semana tolu nia laran iha Australia no partisipa husi membru komponente naval, mane nain 21 no feto nain 4.

Nia  husu ba membru sira atu hatudu  komportamentu diak, disiplina neebe aas atu nunee sira bele aproveita instrusoens neebe Australia sira sei fo, nunee bainhira sira fila iha ona konesimentu no kapasidade atu opera Ro rua neebe Australia sei oferese.

Fatin hanesan, Komandante Komponente Naval, Tenente Koronel, Joao Silva, liu husi diskursu husu ba membru sira neebe ba tuir formasaun atu mantein komportamentu durante iha tempu ezersisiu.

Nia hatutan membru sira ba tuir ezersisiu iha Australia laos reprezenta komponente naval, maibe reprezenta Estadu Timor Leste.

Hau nia mensajen ba ita boot sira mak nee kontinua mantein, ita bot sira nia disiplina no atetude durante iha treinamentu nee,sujere João

Entretantu Asesor Defeza Australia Maijor Luk Willwood dehan, loron nee signifika tebes ba iha F-FDTL liu-liu komponente naval tanba sira sei ba Australia hodi tuir ezersisiu durante semana tolu nia laran.

Exersisiu nee katak Luk importante atu hasae sira nia kapasidade nunee bele prepara aan hodi simu ro rua neebe Australia sei fo ba Timor Leste.

Durante ezersisiu nee lao, sira sei dezenvolve sira nia an iha ro, no aumenta sira nia konesimentu ho ekipamentu sira iha ro laran, no oinsa atu kontrola ro rua nee,dehan Major Luk Willwood ESTI-01

Komentariu

Facebook Comments

Leave a Reply

Your email address will not be published. Required fields are marked *