Naval TL-RI Deskute Kooperasaun

Naval TL-RI Deskute Kooperasaun

- in Notisias Online
75
0
download (2)

DILI-Vizita Forsa Naval Indonezia, mai iha  Timor Leste, lori mos rezultadu  pozitivu ba relasaun amizade entre forsa Naval Timor Leste ho Naval Indonezia.

Liu husi vizita forsa Naval Indonezia nee iha TL sai mos oportunidade ba forsa husi nasaun rua deskute konaba koperasaun  forsa naval nasaun rua nian iha futuru.

Vizita nee ami koalia kona ba estabelesimentu koperasaun iha area naval nian, dehan Xefe Komitiva Forsa Naval RI, Almirante Harjo Susmoro ba jornalista sira hafoin halao vizita kortezia ba Ministeriu defeza no  Kuartel Jeral F-FDTL Fatuhada Dili, Kinta (12/12/2019).

Nunee mos Ministru Defeza no Interior Interinu, Filomeno Paixao dehan, enkontru neebe halao ho Almirante Harjo Susmoro neebe mai ho ro funu rua  ho naran kri usman harum no Kri Sultan muda, atu estabelese koperasaun ho Timor Leste.

Nia hatutan vizita Almirante ho komitiva ba iha Kuartel jeral ho inisiativa rasik. Tanba   hakarak hasoru malu ho jeneral ho ministru defeza.

Hanesan mos uluk ita halo ho sira, ezersitu nee ita bolu ho naran ‘inamor’ durante nee soldadu sira ba aprende kona lojistiku, no aprende mos treinu oin- oin iha neeba, afinal iha neeba rai maran nia deit maibe agora sira mai tasi nia mos hakarak halo hanesan nee, dehan Paixão

Nia informa, atu estabele koperasaun ho forsa naval tenke hare fali prosedimentu neebe iha, tanba Naval Indonezia prontu atu apoiu iha area oin-oin hanesan treinu konjuntu, data hidrografi kona ba tasi nian.

Iha fatin hanesa Xefe Estadu Maior F-FDTL, Maijor Jeneral Lere Anan Timur dehan,  Naval Indonezia prontu atu fo apoiu mai Naval Timor Leste.

Hau mos hatete bebeik indonezia iha moral, hanesan mos portugal iha moral, Portugal neebe ukun Timor to tinan atus lima resin sira iha moral. Agora Timor independente no hasoru dezafius oin-oin, tan sira tenke apoiu, dehan Lere.

Lere informa dadaun  Timor Leste preokupa tebes ho grupu arte marsias balu neebe ba halo juramentu iha Indonezia, tan nee iha enkontru ho Almirante nee deskute mos atu oinsa serbisu hamutuk no buka solusaun problema Timor oan sira neebe ba halo juramentu bebeik iha Indonezia. “Ita nasaun soberanu, ita iha bandeira rasik tanba hakarak halo buat ruma ligadu ho Interese Nasional tenik,” Lere.*

Komentariu

Facebook Comments

Leave a Reply

Your email address will not be published. Required fields are marked *