Natal-Tinan Foun Vasconcelos : Haklaken Paz Nasaun Hakmatek

Natal-Tinan Foun Vasconcelos : Haklaken Paz Nasaun Hakmatek

- in Nasional, Politics
168
0
b7fc0ac3c01e4d818ffd5c1e9462dc9d_XL

DILI– Loron boot natal tinan foun tama daudaun ona, tanba nee nudar ema fiar nain presiza haklaken ba paz no dame hodi lori nasaun ba moris hakmatek.

Mensajen nee hatoo husi Deputadu Bankada PLP Francisco Vasconcelos hatete, nudar reprezentante husu ba juventude sira atu hotu-hotu tuur hakmatek, atu nunee bele festeza loron santu natal no anu novu.

Ita koalia ba natal nee lori dame no paz, i tranquilidade ba ema hotu, mezmu ita infrenta problema barak, maibe nudar ema fiar nain ita sempre haklaken paz, dame atu nunee nasaun nee bele hakmatek, hatete Vasconcelos ba STL Segunda (23/12/2019) iha PN.

Nia afirma, Timor-Leste nudar nasaun ida fiar nain, dala barak ema kahur sasan entre politika ho komflitu sosial, maibe koalia ba komfilitu sempre liga ba komflitu, se mak sai benefisiariu ba komflitu maibe realidade laiha ema ida mak hetan benefisiu husi komflitu, tanba nee husu ba juventude sira katak ohin loron Timor-Leste ukun aan iha faze konstrusaun estadu ba dezenvolvimentu, neebe oinsa kapasita aan atu bele sai util ba nasaun, sosiedade.

Maibe mos akompana katak sempre iha grupu barak iha dezentendimentu kestaun organizasaun mai ho bacround oin-oin, maibe kompara Timor ho nasaun seluk Timor sei diak, tanba Timor nian persentajen kiik.

Durante nee Timor luta ba ukun iha tinan naruk nia laran, maibe depois sai husi funu ba ukun aan emves konsentra ba dezenvolvimentu no nasaun inklui kapasitasaun, maibe tanba sa haree fali ba komflitu hodi halo problema oin-oin.

Deputadu nee husu joven sira atu kontinua fokus ba eskola, labele anoin komflitu, tanba nee ho loron boot hotu-hotu prepara aan ba igreza rona omilia husi padre no madre hodi hadia moris lor-loron.

Nunee mos Deputada Bankada Fretilin Gabriela Alves hatete,

Timor ita haree komflitu nunka para, mezmu Timor nasaun kiik, maibe komflitu sai fali hahan, hatete deputada nee.

Deputada nee husu governu halo ona atu halo prevensaun ba komflitu, liu-liu ba loron boot besik ona, hanesan natal ho tinan foun, atu nunee labele mosu komflitu hodi komunidade selebra loron boot nee labele iha trauma nia laran.

Nunee mos Deputadu Fretilin Fabioa Oliveira husu ba juventude sira atu labele kria problema, hotu-hotu, kria paz hakmatek hodi selebra loron boot. Guilhermina Franco/ Lucia Ximenes

Komentariu

Facebook Comments

Leave a Reply

Your email address will not be published. Required fields are marked *