Nasaun 3 Laiha Adidu

Nasaun 3 Laiha Adidu

- in International
47
0
MESSK

DILI-Ministeriu Ensinu Superior Siensia no Kultura (MESSK) rekonese too ohin loron seidauk koloka  adidu ba nasaun sira hanesan  Xina, Thailandia no Cuba, tanba orsamentu la permiti.

Tuir MESSK, Longuinhos dos Santos, iha orsamentu  2019 la permiti atu kolaka adidu ba iha nasaun hirak nee no foin bele  iha Orsamentu Jeral Estadu 2020.

Ita preve ona orsamentu iha 2020, karik hetan aprovasaun husi Parlamentu Nasional (PN), bele koloka adidu ba nasaun Xina, dehan Longuinhos ba Jornalista sira hafoin partisipa debate OJE 2020 iha PN, Tersa (03/12/2019).

Nia konsidera adidu  ba rai hirak nee importante  atu bele kontrolu  estudante sira hanesan Xina, maioria responsabel maximu husi Xina, tanba hetan despeza hotu, liu-liu kustu vida, seguru de saude nee husi Xina.

Ita husik hela responsabilidade ba estudante ho embaixada Timor Leste iha Xina, tenik MESSK Longuinhos.

MESSK katak Longuinhos sei koloka adidu ba nasaun neebe Timor oan estudu, tuir dadus nasaun neebe koloka  ona adidu mak hanesan, Portugal, Indonesia, Lisboa, Cabo-Verde, maibe Xina, Cuba no Thailandia seidauk.

Antes nee, Embaixador Timor-Leste (TL) ba Xina, Bendito Freitas dehan, Embaixada TL iha Xina too agora seidauk iha adidus husi edukasaun, maske Embaixada TL iha Xina prepara ona fatin ba adidu edukasaun. Maibe too agora governu Timor-Leste seidauk koloka ema ruma sai adidu edukasaun TL iha Xina.

Maske nunee,   estudante Timor-oan iha Xina, durante nee lao kapas tanba, estudante sira hetan asistensia, nunee mos, sira iha asosiasaun estudante Timor-oan iha Xina halo tinan 4 ona ho objetivu asosiasaun nee atu promove atividade akademiku, atividade kulturais desportiva ho promosaun relijiozu moral.

Estudante Timor-oan sira iha Xina katak Bendito iha espiritu ida unidus. Hodi reforsa kestaun akademiku, ispiritual ho kulturais deportivu. Hodi nunee bele adapta no haforsa sira nia vontade estuda iha Xina. Tanba nee sira neebe estuda iha nee kuaze maioria rezultadu diak hotu.

Kestaun ida katak Embaixador nee mak kona-ba saude, tanba klima Xina lahanesan klima Timor. Nee duni, dalaruma afeta ba saude estudante sira, kuandu moras dalaruma hasoru problema.  Tanba estudante sira mai nee dalaruma depende tebes ba bolsu estudu. Nunee kuandu monu iha situasaun saude tama hospital, sira iha defikultade tebes ba sira nia saude kona-ba atendementu.

Situasaun sira hanesan nee sira sempre rekorde ba Embaixada TL iha Xina atu husu tulun. Maibe embaixada rasik laiha   rekursu atu responde.  Nee duni, buat neebe embaixa halo maka komunika ba familia etudante, ho estadu TL liu husi Ministeriu Edukasaun (ME) husi Ensino Superior, Ministeriu Saude (MS) ho Ministeriu Solidariedade Sosial (MSS) atu tau matan ba situasaun sira hanesan nee.

Eix Ministru Edukasaun (ME) nee  husu ba estudante Timor-oan sira neebe karik hetan bolsu estudu ruma husi Xina. Hili area neebe bele responde ba nesesidade nasaun iha futuru liuliu siensia teknolijia, medisina, turismu, industria ho petroleum.

Ita espera katak ita nia alin sira neebe agora dadaun iha Timor karik hetan bolsu estudu ruma husi Xina. Bele hili area sira nee tanba area hirak nee importante tebes ba nesesidade TL,katak Bendito.

Tuir Bendito katak, tanba liga ba projetu tasi-mane, suplai base, presiza badaen neebe atu mai servisu laos mai tuur deit. Tan nee presiza rekursu umanu. Nee duni, estudante sira neebe hola area tekniku sira bele servisu iha neeba, tanba sira iha ona kunesimentu tekniku.

Nia apela ba joven sira aproveita barak tan situasaun sira hanesan nee bele sai referensia aban-bairua bele hadia nasaun doben Timor Leste.

Nunee mos Reitor UNDIL, Jose Agostinho Belo dehan, iha vizaun edukasaun atu aselera lalais servisu iha rai laran,  haruka  joven sira ba kontinua sira nia estudu iha rai liur.

Maibe Timor la pertensia ba buat hirak nee, hare liu ba politik, koor politika, tanba nee mak buka ema koor nee seidauk  ba, hare ba Timor oan  karik ema barak ba ona, tanba hare dosentes sira iha universidade sira barak mak  matenek, tenik Jose.

Nia akresenta adidu  atu servisu laos ba manan osan, tanba partidu ninian ida nee mak  sei entede situasaun ida nee, la hare ba Timor  oan, maibe importansia liu programa partidu.

Entretantu Deputadu Khuntu iha PN, Antonio Verdial,  husu ba MESSK atu koloka ona adidu ba Xina, iha  tempu badak  bainhira aprova ona  orsamemtu. Jacinta Sequeira/Germano de Sousa 

Komentariu

Facebook Comments

Leave a Reply

Your email address will not be published. Required fields are marked *