Naran Xanana Laos Foin Mosu

Naran Xanana Laos Foin Mosu

- in Politics
334
0
download (29)

Editor: Godinho Barros

DILI – Xanana nia naran laos foin mak mosu iha publiku, maibe naran Xanana konesidu ona iha tempu funu too agora.

Naran Xanana nee rekonesidu internasionalmente no rekoinese nasionalmente nee uluk 1975, kuandu funu mosu nee Xanana mosu tiha ona, ema neebe mak hakerek lemo lemo iha nee ninia hakarak no intensaun saida, maibe hanesan Maun Xanana Maun Ramos Horta, Maun Alkatiri sira nee lider istoriku, lider sira neebe mak komanda ita nia funu too funu hotu, dehan Xefe Estadu Maior Jeneral  Falintil-FDTL Major Jeneral Lere Anan Timur ba Jornalista iha Palasiu Prezidente Bairru Pite, Dili, Kuarta 19/02.

Major Lere dehan ema la hakerek naran Xanana iha estrada publiku, ema konese hela Xanana, no ema neebe mak hakerek naran Xanana nia naran iha publiku ema neebe mak intensaun ladiak no ema neebe mak hakerek  Xanana nia naran  iha fatin publiku polisia toman tenke responsabliza

Horisehik ami reuniaun mos dehan, uluk nee naran laiha, iha tempu kampana naran iha maibe liu tiha kampana naran laiha, agora situasaun politika manas mak Maun Boot Xanana nia naran mosu lemo lemo iha fatin fatin, ida nee tuir ami nia analiza nee hanesan ajitasaun ida ema hakarak hamanas situasaun, maibe hau hanoin ita nia polisia nasional, ita nia F-FDTL matan mos nafatin sei buka nafatin se mak halo buat sira nee, dehan Lere.

Nia  dehan iha grupu kiik ida neebe mak hakarak instabliza soberania no estadu no independensia ida nee, maibe Timor Leste atu integra ba nasaun seluk laiha ona.

Nia akresenta naran Xanana no Ramos Horta nee laos naran foun maibe naran neebe mak afamadu tanba sira nee pioneiru ba luta libertasaun  Timor Leste.

Ita ema nee naran atu iha nee la difisil ida halo aat mos naran boot halo diak mos naran boot maibe Xanana Ramos Horta, Alkatiri halo diak mak sira nia naran boot maibe sira neebe mak traidor sira nee sira nia naran boot tanba traidor, tanba nee mak ema neebe mak hakerek naran Xanana lemo lemo nee diak liu para too iha nee, polisia no F-FDTL sei buka tuir tan, komenta Lere.

Iha fatin hanesan Prezidente Parlamentu Nasional, Arao Noe dehan  ema neebe mak hakerek Lider Karismatiku Xanana Gusmao nia naran lemo lemo iha fatin publiku, ida nee dalaruma ema balun ho emosaun maibe tuir lolos labele.

Nia hatutan ema balun dalaruma ho emosaun maibe tuir lolos buat nee ladun diak,  estraga edifisiu publiku,  intensaun neebe bele diak maibe uza fali fasilidade publiku, ida nee estraga vizaun fatin turista tanba ema barak mai haree situasaun ladun diak, tanba nee mak husu povu ou populasaun labele hakerek parede sira iha estrada ninin ka estrada publiku,  ida nee  estraga paisajen vizaun sira.

Prezidente PN nee husu joven sira karik espresa hanoin ruma diak liu, liu husi fatin seluk bele espresa, liu husi media no karikatura ruma posetivu, labele hakerek iha fatin publiku hodi estraga paisajen sidade.

Iha fatin ketak Komandante Operasaun Nasional Superintendenti Xefe Polisia Pedro Belo dehan, Polisia Nasional Timor Leste Sei buka tuir autor hakerek liafuan I Love Xanana, tanba hafoer sidade Dili.

Nia hatutan neebe hakerek bainhira PNTL hetan sei prosesu  tuir lei neebe iha, tanba asaun sira nian hafoer ona sidade Dili,  PNTL sei serbisu hamutuk ho parte saneamentu Munisipiu Dili hodi hamos tiha liafuan I Love Xanana inklui liafuan sira seluk. Rep : Emerenciana Pinto/ Donaciano Magalhaes

Komentariu

Facebook Comments

Leave a Reply

Your email address will not be published. Required fields are marked *