Nakdedar Naok Motor, Ema Kaer Toman

Nakdedar Naok Motor, Ema Kaer Toman

- in Krime
242
0
Tribunal

DILI – Arguidu JL naok motor ho nakdedar neebe mak ho marka Honda Mega Pro, ho Matrikula 3410 G, TLS ho valor U$ 1.800,00 maibe ikus mai testemuna AMB kaer kedas kuandu arguidu koko atu halai ho motor.

Tuir akuzasaun husi Ministeriu neebe mak Tribunal lee sai katak iha loron 16 fulan Novembro, tinan 2009, oras tuku 9:00 OTl, iha area edifisiu Ministeriu Edukasaun suku Vila Verde, Sub Distritu Vera Cruz, Distritu Dili, testemuna Amaro Mangalhaes Barros, kontaktu ba lezadu iha edifisiu laran katak, arguidu Joaquim Elo, sobu hela motorizadu iha fatin estasionadu.

Lezadu hare husi janela, suspeitu sobu hela motorizada referidu ho marka Honda Mega Pro, ho Matrikula 3410 G, TLS ho valor U$ 1.800,00. Lezadu ho testamuna ba hein arguidu iha portaun atu sai nian, arguidu foti ema seluk nia kapaseti no sae motor refere to portaun referidu.

Maka lezadu no testamuna kaer motor no baku fila motor halo arguidu monu ba rai, maka lezadu ho tes, kaer kedas arguidu no telefone ba PNTL hodi ba iha fatin akontesimentu no entrega arguidu diretamente ba Polisia

Konsekunsia husi arguidu nia hahalok fo prejuiza ba lezadu ho osan total valor prezuiju ho valor U$, 2,454, 00. Arguidu halao krimi ne’e ho livre deliberada no konsientemente, aproveita situasaun ne’ebe adekuadu atu realiza aksaun kriminozu refere.

Hatene katak hahalok ne’e, lei criminal Bandu no hatene katak sei hetan kastigu tuir lei kriminal. Tanba nee, arguidu Joaquin Ello hanesan autor Material ho forma konsumadu ba krime furtu agravadu ne’ebe konsagra iha artigu 252 Kodigu Penal Timor Leste.

Antes nee, tribunal notifika ona arguidu atu mai tuir julgamentu maibe arguidu la mai tanba balun dehan mate ona no balun dehan ba tiha ona rai liur. Ho nunee, tribunal kontinua rona deklarsaun husi lezadu. Domingos Piedade Freitas

Facebook Comments

Leave a Reply

Your email address will not be published. Required fields are marked *