Nain-Feto Maria Auxiliadora Vizita Bairru, Joao Paulo-II

Nain-Feto Maria Auxiliadora Vizita Bairru, Joao Paulo-II

- in Metro
342
0

simu maria iha laga

https://www.google.com/search?q=nain+feto+maria+auxiliadora&source=lnms&tbm=isch&sa=X&ved=0ahUKEwjix5jhwrTTAhUFqI8KHY8sDEMQ_AUIBigB&biw=1600&bih=789#imgrc=3VscfZWEzmKbwM:

DILI Sarani Bairru Joao Paulo-II (JP),  Suku Comoro, Postu Admistrativu Don Aleixo, Munisipiu Dili Bairu Joao Paulo-II (JP), Kuarta (20/4/2017) tuku 05:00 loraik Otl  simu vizita illas Nain-Feto Maria Auxiliadora husi sarani Bairru Joao Bosco no Santu Antonio.

Vizita Estatua Nain-Feto nian akompaya direita husi autoridade local, estrutura bairru hamutuk ho sarani husi bairu Joao Bosco no Santu Antonio entrega illas Nain-Feto Maria Auxiliadora antes entrega ba sarani  bairru Joao Paulo-II.

Illas Nain-Feto Maria Auxiliadora too iha Uma Adat Tasi-Tolu simu direita husi autoridade local, estrutura bairru hamutuk ho sarani husi Bairru JP. Kontinua ho tara tais ba Amu Paroku, Elias Maia de Deus, SDB inklui Konsellu Parokia Maria Auxiliadora antes missa.

Molok missa madre no parde sira fo formasaun ouituan kona-ba fe juventude no kabenain sira kuaze minutus 45 nia laran. Iha missa nee mos estrutura hamutuk 25 mak simu tomada de pose husi Amu Paroku Elias de Deus, SDB.

Iha omilia, Pe. Elias nuudar Amu Paroku hatoo  boas festas paskua nia ba sarani sira hotu.

Hau nuudar paroku mos lahatene katak Parokia Maria Auxiliadora ninia teritoriu iha area Rumah Adat nian. Tanba nee dalaruma ami hela iha mundu seluk maibe, oportunidade kapaz atu hasoru malu,”katak Pe. Elias.

Pe. Elias realsa liutan katak, ita foin  selebra pesta paskua nee duni,  sei iha tempu paskua nia laran.  Iha neebe ita prepara ita nia-an ba semana santa ba iha Virjilia paskal no domingu resureisaun nian. Iha  selebra misteriu fiar nian katak Jesus  mate  moris hias.

Fesat paskua nee ita sarani adopta no festa paskua laos ita nia festa, ida nee festa jentiu sira nian, iha Egiptu sira nia tempu paskua hanesan tempu kolheita nian. Tanba nee ho buat aat, iss no dois Jesus halo lakon tiha husi ninia moris hias. Tanba nee hau fiar katak sarani sira bele hamutuk ita hotu bele iha moris foun no freska nia laran.

Iha fatin hanesan, tuir reprezentante Xefe Bairru Joao Bosco no Santo Antonio, Gregorio Silveira iha nia lia-menon, hatoo sentimentu tomak durante ita nia inan Maria Auxiliadora hela hamutuk ho ami ba loron rua no kalan rua  neebe mak simu direitamete husi Bairru Dom Bosco ABC.

Durante vizita Nain-Feto sarani sira halo venerasaun, konteplasaun ba pessoal ida-idak neebe mak saran ami nian ba ita inan doben Maria Virgen Maria Auxiliadora.

Ohin tempu too ona ami  entrega hikas Inan Doben Maria Auxiliadora ba  maluk sira Bairru Joao Paulo II depoisde  durante loron 2 hamutuk ho ami kuida nian katak inan feton nia liman no ain kukun tomak hela,”katak Gregorio.

Gregorio hatutan tinan ida nee (2017) espesial tebes tanba, ita atu selebra tinan 25 Parokia Maria Auxiliadora. Nee duni, tau matan ba Nain-Feto Maria Auxiliadora.

Nunee mos, reprezentante Xefe Bairru Joao Paulo-II, Marcal dos Santos dehan, sira sente kontente tebes hodi simu vizita estatua Nain-Feto Maria Auxiliadora neebe durantae tinan barak sira  hein.

Ami sei kuidadu nian, ami sei hanai nian nuudar ami nia inan doben padroeira Parokia Maria Auxiliadora,”katak Marcal.

Katak Marcal, nia reprezenta sarani Bairru Joao Paulo-II lahaluha hatoo ami nia obrigadu uain benvindas Maria Auxiliadoara. Domingos Piedade Freitas

Facebook Comments

Leave a Reply

Your email address will not be published. Required fields are marked *