Nahareka Ladauk Asesu Eletrisidade

Nahareka Ladauk Asesu Eletrisidade

- in Distritu
3350
0
Pulsa

DILI-Komunidade Suku Nahareka, Postu Administrativa Ossu, Munisipiu Viqueque, sente lasatisfas ho ukun-aan Timor nian, tanba desde inisiu ukun aan too mai agora komunidade Nahareka seidauk asesu ba eletrisidade sente hanesan iha tempu rezistensia.

Suku Nahareka nee iha kedas tempu uluk Timor ukun aan tinan sanolu resin lima (15) ona maibe komunidade seidauk hetan eletrisidade husi governu, agora dadauk komunidade utiliza deit solar sel/tenaga surya.

Ami iha Suku Nahareka desde ita timor ukun aan laiha eletrisidade, hau nia komunidade servisu hamutuk tenta hatoo hela deit proposta ba governu maibe laiha resposta neebe pozitivu,”Dehan Xefe Suku Nahareka Paulino A. Ximenes ba STL iha Sede Suku Nahareka, tersa (17/10/2017).

Relasiona ho kestaun katak, Paulino, nia sujere ba governu foun agora bele tau mos atensaun ba komunidade neebe seidauk asesu ba infraestrutura hanesan iha parte eletrisidade. Tanba tinan barak ona komunidade ida nee preokupa tebes ho eletrisidade.

Iha fatin seluk komunidade Jose Ximenes katak, hanesan komunidade sente tristi tebes tanba iha nee laos preokupa eletrisidade deiit maibe iha buat barak iha suku ida nee sidauk asesu hanesan estrada no bee-mos.

Ami iha nee atu ba postu no munisipiu mos ho distansia neebe dook, tanba nee ami hakarak estrada neebe diak bee-mos no eletrisidade ami kleur ona moris lasente independensia no demokrasia ida nee,” katak Jose.

Jose mos realsa liutan katak, husu ba nai ulun sira labele taka matan ba povu kiik sira, tanba povu mak eleitu lider sira ba reprezenta iha governu se povu laiha governu mos sei laiha, tanba nee presiza hadia povu nia moris hodi bele sente katak ida nee mak ukun rasika aan duni.

Nunee mos Juventude Celestina da Silva Amaral hateten, komunidade Nahareka  dadaun uza deit  tenaga surya hodi moris, desde 2002 timor ukun aan maibe ate agora laiha governu ida mak tau matan ba suku ida nee hodi dada hela eletrisidade ba komunidade.

Ema iha suku sira seluk hetan ona eletrisidade maibe tanba saida suku ida nee sei hanesan fali iha tempu rezistenasia nian neebe araska ba buat hotu-hotu, tenaga surya deit nee ami labele halo buat ida,”katak nia.

Tanba nee ba ukun nain sira labele promete iha ibun deiit maibe presiza mos tau iha asaun pratika, povu kiik fo fiar tia ba tur iha governu hodi reprezenta povu. Maibe realidade lider sira ba tur tia iha governu laliga tia povu kiik sira.

Nia hatutan, iha tempu kampaina sira kolia mesak midar deit maibe too tia tempu ida atu servi povu nee laiha ema ida atu servi. Tanba nee rekomenda ba ukun nain sira agora tur ona iha neeba presiza tau atensaun masimu ba povu kiik sira nia kondisaun no situasaun. Estajiadu UNTL 2.*

Facebook Comments

Leave a Reply

Your email address will not be published. Required fields are marked *