MV Hetan Baku husi Arguidu,Tanba La Fó Hatene Ba Igreja

MV Hetan Baku husi Arguidu,Tanba La Fó Hatene Ba Igreja

- in Krime
179
0
logoqstll

DILI-Lezada ho insial MV hetan baku husi nia laen (arguidu) NJ, tanba lezada la fo hanete arguidu katak lezada atu ba halao aktividade Iha Igereja nian.
Husi akuzasaun neebe Ministeriu Publiku (MP) aprezenta ba Tribunal katak, arguidu ho lezada hahú forma uma kain desde tinan 2001 no iha oan nain 5.
maibe iha loron 27 fulan Junhu tinan 2018 tuku 8:00 dader iha sira nia hela fatin Aileu lezada prepara atu ba igreja hodi halao aktividade igreja nian no fila mai uma iha tuku 15:00 lokraik no bainhira fila ba uma lezada husu ba nia oan sira katak Apa iha neebé no nia oan sira hatan katak apa toba hela tanba nee lezada mos tama ba deskansa no iha lokraik lezada hader mai no prepara atu ba fali tan igreja no arguidu hader mai hodi insulta no trata lezada, hodi hasai lia fuan mal ba lezada tanba nee lezada mos tauk hodi halai ba vizinhu sira nia uma.
Iha latura neeba lezada mos tauk hodi foti kareta ba liu igreja maibé arguidu kontinua duni tuir ho motor ba iha igreja , lezada mos deside fila ba uma, maibe iha dalan klaran arguidu tuir lezada ba soke kedan iha odamatan kareta neebe lezada lori nee, arguidu kontinua trata lezada ho liafuan aat no tuku lezada iha kabas no rakut lezada nia fuk no arguidu ba foti katana hodi ameasa lezada, hafoin nee arguidu mos fila ba uma.
Konsekuensia husi arguidu nia hahalok, kauza lezada senti moras iha fatin atinjidu.
Ho hahalok arguidu nian, MP akuza arguidu ba pratika krime violensia dometika ho forma ofensas integridade fizika simples neebe previstu iha artigu 145 husi kodigu penal TL.
Hatan ba akuzasaun nee arguidu deklara faktus barak mak la los.
Arguidu tuku lezada iha parte liman neebe kaer volante kareta nian no la rakut lezada nia fuk no kaer katana hodi ameansa tanba iha momentu akontesimentu nee iha dalan klaran laos iha uma.
“Hau rekonese hasai liafuan mal ba nia (lezada) tanba momentu neeba hau nervozu no hau fila husi foho mai, maibe nia la atende hau no nia ba igreja la husu hau,”deklara arguidu iha sala audensia julgamentu (24/07/2019).
Iha fatin hanesan lezada haforsa akuzasaun neebe iha hodi deklara katak momentu neeba la hare arguidu kaer katana no fatuk maibé iha lezada hanoin deit katak arguidu ba foti fatuk no katana.
“ Arguidu tuku hau nee los maibe kona ba fatuk no katana nee la los tanba iha momentu neeba hau mos nervozu ba hatoo keisa inventa deit,”dehan lezada.
Maibe oras nee daudaun arguidu ho lezada diak malu ona no kontinua moris hanesan fen laen hodi hare sira nia oan.
Hafoin rona parte rua, Tribunal submete ba alegasaun, nunee iha alegasaun MP husu ba Tribunal atu aplika pena neebe minimu husi krime nee.
Entertantu parte defeza konkorda ho pena neebe MP husu.
Hafoin alegasaun tribunal marka fali julgamentu nee ba loron seluk hodi rona leitura akordaun.
Audensia julgamentu prezide husi juiz singular, MP reprezenta husi Prokura no arguidu hetan asistensia legal husi Defensor Publiku. Lucia Ximenes

Komentariu

Facebook Comments

Leave a Reply

Your email address will not be published. Required fields are marked *