Mudansa Klimatika Halo Produsaun Kafe Timor Leste Menus

Mudansa Klimatika Halo Produsaun Kafe Timor Leste Menus

- in Distritu
1701
0
Kafe

DILI-Ministru Estadu Koordenador dos Asuntu Ekonomiku no Ministru da Agrikultura pescas (MECAE-MAP) Eng. Estanislau da Silva hateten, produsaun kafe Timor Leste iha tinan ida nee menus tamba impaktu husi mudansa klimatika.

Produsaun menus bele haree husi rezultadu kolheta kafe. Mudansa klimatika halo produsaun kafe Timor Leste tinan nee menus. “Kuandu produsaun kafe menus, ita labele halo buat ida. Tamba ida nee impaktu husi klimatika,” hateten Eng. Estanislau da Silva ba STL iha Edifisiu MAP, Comoro, Sesta (16/6/2017).

Iha mundu internasional kualidade kafe Timor Leste numeru um. Nee opurtunidade atu hasae produsaun kafe maibe buat hotu fila fali ba klima. Kuandu mudansa klimatika ladiak, konserteja, halo produsaun kafe menus. Maske nunee, governu sempre iha hanoin atu hadia kualidade kafe, presiza halo peremajaan ba kafe sira mak idade tuan ona para bele buras no bele fuan barak.

Tamba nee, ministeriu neebe nia lidera, iha tinan 2016, halo ona programa rehabilitasaun (peremajaan) iha Ermera no Liquica hamutuk 350 hektares (ha). Iha tinan 2017 nee, rehabilitasaun kafe sae ba 400 ha iha Timor Leste laran tomak. Iha esperansa katak, programa rehabilitasaun kafe nee, sei fo kresimentu diak ba produsaun kafe .

Rehabilitasaun nee ami halao ona iha fati-fatin, hanesan Ermera, Liquica, Maubisse, Turiskai no seluk-seluk tan. Maibe rehabilitasaun nee halo, wainhira hetan autorizasaun husi kafe nain sira. Ba fatin neebe maka sira hakarak halo rehabilitasaun. Ami nia ekipa labele tun ba  lere arbiru deit,” dehan Estanislau.

Kualidade Kafe Organika Timor, nia dehan, kafe Timor Leste iha kualidade diak tebes-tebes. I eksporta ona ba nasaun sira hanesan Amerika, Alemanha, Australia, Singapura, no Japaun.

Atu hasae kualidade kafe nee, ekipa MAP sei tuun ba haree to’os kafe hira maka bele halo rehabilitisaun. Nee laos tesi ou lere hotu maibe aparu deit. Ho kestaun ida nee maka agrikultor balu mos rejeita atu halo rehabilitasaun. Programa nee sai hanesan meius ida hodi hasae produsaun kafe.

Too agora, MAP foin levanta maka folin ba kafe. Iha tinan kotuk estabelese ona Asosiasaun de Produtores do Cafe. Governu labele deside mesak presu ba kafe. Se governu tau presu, agrikultor sira la konsege faan, nee mos kestaun oin ida. ”Ho rajaun nee mak Assosiasaun dos Produtus do Café sei hanoin lisuk ho kafe nain sira hodi hasai folin neebe lolos,” dehan Estanislau.

Asosiasaun de Produtores do kafe tenki tur hamutuk ho Kafe nain sira, kompradores sira hodi bele estabelese presu minimu no presu masimu ba Folin Kafe,maibe kolia kona ba ,kestaun folin mos iha diferensia entre agrikultor kafe ida no sira seluk.

Entretantu, Diretor Jeral Floresta, Kafé i Plantas, Industrias, Manuel Mendes eplika katak, atu hasae produsaun kafe husu ba MAP atu fo treinamentu nebe diak liutan ba iha ekstensionista no agrikultor sira. Kafe bele kolheta dala tolu tinan ida maske.

Iha tinan 2016, halo ona rehahibilitasaun ba plantasaun kafe hamutuk 500 hektares (ha). Iha tinan 2016, rehabilitasaun kafe iha Munisipiu Liquica iha 150 ha, no Ermera 350 ha. Objetivu rehabilitasaun nee, atu troka kualidade kafe neebe tuan ona. Troka fali liu husi tesi kafe neebe tuan ona, no kuda fali kafe oan.

Atu hasae produsaun kafe, governu tenki fasilita agrikultor hodi fahe makina, hodi nune agrikultor sira bele dulas rasik sira nia kafe,Segundu maka fo edukasaun diak ba agrikultor sira katak tempo Kolheta nee sebele Kafe sira nebe halo Kolheta ona tenki prosesa kedas iha makina,tamba kafe nebe rai kleur liu sei fo impaktu ba iha kualidade .

Entretantu Vise Komisaun D-PN, Domingos Carvalho de Araujo husu ba Ministeiru Agrikultura e Peskas atu halo rehabilatasaun ba kafe sira neebe maka tuan ona. Nunee kafe bele fuan diak. EST-2

Facebook Comments

Leave a Reply

Your email address will not be published. Required fields are marked *