MSSI Sei Sosa Kareta Funeraria

MSSI Sei Sosa Kareta Funeraria

- in Nasional
57
0
signi_chandrawati_verdial

Editor: Germano de Sousa

DILI-Vice Ministra Soliedariedade Sosial no Inkluzaun (MSSI), Signi Chandrawati Verdial dehan, iha tinan 2020 MSSI  sei sosa tan kareta funeraria 5 ba Munispiu Dili hodi jere nesesidade komunidade Dili.

Vice MSSI, Signi Chandrawati Verdial informa ba jornalista sira iha Parlamentu, Tersa (07/01/2020).

Tuir Signi katak, sira iha planu atu sosa kareta 5 ba Munisipiu Dili. Tanba nee espera katak bele jere iha Munisipiu Dili hanesan iha munisipiu seluk.

Ita iha planu ba tinan 2020 nian MSSI  sei sosa kareta 5 ba parte MunisIpiu Dili nunee bele jere iha Munisipiu Dili, katak Signi.

Nia mos dehan, husi munisipiu seluk hanesan parte munisipiu Aileu, Ainaro liuliu iha Postu Administrativu Maubisse sira seidauk iha informasaun maibe presiza klarifika, maibe serbisu neebe MSSI haree uluk kareta funeral ho ambulansia sempre desentraliza ona ba iha admnistrador munisipiu sira.

Tanba serbisu kareta funeraria no serbisu ambulansia iha munispiu ho asaun social iha munispiu hotu-hotu serbisu rua nee desentraliza ona ba iha admnistrador sira nia okos ho ida nee labele tama ona iha MSSI nia kompetensia.

MSSI apoiu maibe kompetensia tomak ho orsamentu ka jestaun iha admnistrador sira nia okos. Iha Dili laran iha kareta funeraria hamutuk 8, iha Dili laran nee MSSI mos sei apoiu ema neebe iha hospital tula ba munisipiu ida nee iha MSSI nia kompetensia.

Maibe ida neebe mak tama iha Dili laran deit ida nee tama ona ba iha admnistrador munispiu dili nia kompetensia. Maibe iha munisipiu 12 inklui Raeoa nee kompetensia admnistrador munispiu sira nia.

Kestaun munisipiu Aileu iha admnistrador nia okos, kada munisipiu iha kareta funeraria nee rua no balu iha ida.

Iha fatin hanesan Deputada Komisaun F, Maria Barreto Gorumali hatete, ho publikasaun husi media social no preokupasaun husi familia matebian sira nomos komunidade sira hotu kona-ba kareta. Foin lalais iha audensia ho MSSI mos sira hatoo ona kestaun hirak nee ba prioridades  MSSI nian.

Ami atu hatene ba iha orsamentu kapital menor neebe mak husi proposta dahuluk nian neebe mak uluk iha $700 Mill e tall, maibe agora sira hamenus ba $400 mill, nia dehan.

Ho orsamentu neebe mak iha sira mos akontese redusaun kompras kareta funeraria neebe mak tuir loloos uluk iha 5 maibe agora redus ona ba 2 deit, nee sira nia planu orsamentu neebe mak iha nomos apoiu motorizadas ba  animador sosiais sira iha postu admnistrativu.

Uluk 60 emprezadas maibe agora sai hodi halo redusaun ba 30 emprezadas ho ida nee mak sira mos sei estuda didiak sira nia orsamentu MSSI nian oinsa mak bele tau prioridade liu ba iha preokupasaun husi komunidade.

Aleinde nee Xefe suku Caicoli Hipolito Marques da Silva hatutan, kona-ba sosa kareta funeraria nee nia mos asesu informasaun maibe ida nee kompetensia Ministeriu Saude, maibe tuir nia hanoin labele sosa deit kareta funeraria nee 5 tanba iha capital laran nee barak tebes.

Hau nia hanoin kareta funeraria labele sosa deit 5 maibe se bele tenki sosa liu husi lima nee, katak Hipolito.

Nunee komunidade sira labele halerik bebeik ba sasan neebe mak atu ajuda no salva ema nia vida, tanba bainhira oferese kareta funeraria nee 5 deit mak sei nafatin fo impaktu ba komunidade sira.

Nia mos husu ba governu atu jere osan nee ho diak nunee bele sosa buat neebe mak ba povu ho diak atu nunee hodi bele fasilita. Tanba iha munisipiu sira povu sempre halerik bebeik ba asuntu hirak nee. Tanba nee atu sosa kareta, sosa mos ba munisipiu seluk. Tanba iha munisipiu balun too agora sei halerik hela fasilidade saude liului kareta ambulasia inklui kareta funeraria. * ESTI-05.

 

Komentariu

Facebook Comments

Leave a Reply

Your email address will not be published. Required fields are marked *