MS Tau Prioridade Pasiente Moras Mental

MS Tau Prioridade Pasiente Moras Mental

- in Metro
92
0
hospitalnacionalguidovaladaresdoben-615x347

DILI-Vize Ministru Saude (MS) Bonifacio Maukoli dos Reis hateten, MS tenke tau prioridade ba maluk sira neebe hetan moras mental, tanba nee agora Hospital Nasional Guidu Valadares (HNGV) iha ona koidadus saude mental nian.

Ita estabelese fatin hira ona para atu bele fo tratamentu, iha HNGV mos ita iha ona koidadus ba saude mental, neebe ita tau ona prioridade, tanba ita nudar Timor oan ita hotu-hotu direitu hanesan hetan tratamentu hansean no fo valor ba sira,” hateten Bonifacio ba jornalista sira iha Hotel Timor wanhira partisipa lansamentu bee ba feto, Kuarta (10/10/2018).

Nia esplika, HNGV mos iha ona fasilidade ba teratamentu ba moras mental sira, uluk too mai agora HNGV sempre fo atendemntu ba moras mental sira neebe husi Dili no Munisipiu.

Nia informa, Governu sei esforsu atu kria mos kondisaun hanesan iha ospital referral no regional sira seluk hanesan, regional Baucau, Oe-cusse, Maliana no Suai atu bele fasilita profesional saude sira fo atendimentu   neebe dignu ba maluk sira nee tanba numeru moras mental iha rai laran boot.

Iha fatin ketak Diretor Ezekutivu Hospital Nasional Guido Valadares (HNGV), Aniceto Barreto dehan, durante nee sira iha espasu kiik ida iha sala ermengensia nia laran, hodi fo atendimentu ba iha pasientes neebe ho  problema psikososial, tanba nee dala ruma mosu barulho. Noticia kompletu lee iha jornal STL edisaun kinta (10/10/2018).Jeniche da Costa

Facebook Comments

Leave a Reply

Your email address will not be published. Required fields are marked *