MS La Seriu Pasa Informasaun Ba Publiku

MS La Seriu Pasa Informasaun Ba Publiku

- in Metro, Nasional, Notisias Online, Top News
641
0
efbe2964-ec34-4c5f-bd7d-c8318dc61003

Editor : Crisogono Magalhães

DILI-Ministeriu Saude liu husi Vise Ministra ba Kuidadu Saúde Primáriu ,bandu jornalista sira husu pergunta, bainhira remata konferensia imprensa, neebe halao iha salaun Ministeiru Saude.

Relasiona ho epidemia Covid-19 neebe espalla iha mundu tomak,   nunee Estadu Timor-Leste liu husi Ministeriu Saude no Organizasaun Saude Mundial (OMS), ohin (Tersa-Red)desidi fo sai rezultadu ba publik kona ba  teste  sidadaun nain 5 neebe nia sampel ran neebe haruka ona ba Australia.

Maibe iha konferensia imprensa neebe halao iha salaun Ministeriu Saude, Caicoli, Dili, Tersa (24/03/2020) nee,Vise  Ministra ba Kuidadu Saúde Primáriu  Élia António de Araújo dos Reis Amaral limita ka bandu jornalista sira, atu husu pergunta sobre situasaun Covid-19 iha Timor-Leste, neebe oras nee sai preokupasaun iha sosiadade.

Bainhira konferensia remata jornalista sira  husu  pergunta ba Vise Ministra kona ba virus Corona neebe deskonfia tama iha rai laran, Vise Ministra nee  hatan deit.

Laiha Pergunta, dehan Nia

Nunee mos bainhira jornalista sira tenta husu nafatin ba Vise Ministra Saude kona ba oras nee publiku preokupa no paniku hela  Covid-19, maibe Ministra nee hatan.

Nee Segredu, tenik Vice Ministra Saude Nee

Entretantu tuir observasaun neebe Jornalista STL asesu iha terenu katak Ministeriu Saude liu-liu Vise Ministra ba Kuidadu Saúde Primáriu, Élia António de Araújo dos Reis Amaral la seriu ka la iha vontade hodi fo sai informasaun Epidemia Covid-19 ba publiku, tanba bandu jornalista sira atu husu pergunta iha konferensia imprensa.

Ho asaun neebe Vise Ministra Saude hatudu nee, bele halo komunidade sira paniku tanba informasaun neebe Ministeiru Saude hatoo ba publiku nee la klaru. *

Reportajen : Crisogono Magalhães

 

Komentariu

Facebook Comments

Leave a Reply

Your email address will not be published. Required fields are marked *