MS Investiga Funsionariu Partilla Informasaun

MS Investiga Funsionariu Partilla Informasaun

- in Nasional
29
0
images (4)

DILI-Ministeriu Saude (MS), sei halo investigasaun ba funsionariu neebe partilla informasaun konaba diskusaun entre Vise Ministra Kuidadu Saude Primaria Elia A.A dos Reis Amaral  ho Vise Ministru Dezenvolvimentu Estratejia Saude, Bonifacio Moukoli dos Reis, neebe viral iha media sosial.

Liu husi konferensia impresa, Vise Ministra Saude nain konsidera diskuasaun entre sira nain nian sai viral iha publiku. Hanesan problema uma laran nian Mministeriu saude nian, laos problema publiku.

Ami mos husu instituisaun neebe  kompetensia atu halo investigasaun klean ba funsionariu nee maka grava no fo sai informasaun nee  ba publiku  ho  motivasaun saida, hateten Elia liu iha konferensia impresa  iha Ministeriu Saude Segunda,  (09/12/2019).

Vise Ministra nee  informa haksesuk malu akontese iha Sesta  22/11/2019  liu ba no foin viral iha fulan dezembru nian laran.

Ministeriu  Saude tuir Elia familia neebe boot tebes no familia nee bele prontu atu atende populasaun sira liu-liu ba moras sira ho fuan ho domin ba populasaun no prontu atu atende iha oras 24 nian laran.

Ita hotu akompana gravasaun neebe viral ona iha media sosial katak situasaun nee Ministeriu Saude no hakarak klarifika katak gravasaun ida nee akontese  wainhira mosu dezentendimentu internal entre ami, hateten VMS Elia.

Nia relata dezentendimentu internal kada instituisaun nee sempre konsidera normal maibe dezentendimentu nee hare ba lalaok servisu saida deit mak ladun diak para hodi halo ba diak tan.

Governante nee hare servisu reprezentasaun ba iha instituisaun ida nee ba publiku no dezentendimentu nee laos tanba odiu malu, laos lori situsaun nee lori ba naruk, maibe loke no halo diak liu sira  nia hanoin i buat neebe hotu no hotu ona vise  Ministru nain sempre iha lina koordenasaun neebe maka diak.

Ita hotu hatene katak dezempenu iha neebe deit sempre akontese, maibe MS hanesan familia ida no dezempenu internal mak sei rezolve. Hanesan familia ami enkontru asuntu internal, tanba nee mal Ministeriu Saude sai hanesan ita nia familia,  ita bele deskute malu, maibe sempre unidu hodi lori MS ba oin, esplika VMS Elia.

Vise Ministra Saude  nee  akresenta, kazu espalla informasaun nee nia  prosesu tama ona iha  investigasaun hodi bele hatene aktu sira neebe mak akontese iha MS nian laran.

Alende nee mos reprezentante Governu, Sekretariu Estadu Komunikasaun Sosial (SEKOMS), Mericio Juvinal dos Reis Akara dehan, problema voice neebe viral, liga ba MS, governu akompana duni.

Ita lamenta, ita husu para investigasaun klean, se mak halo rekaman ba enkontru internal nee, depois divulga, tenik Akara.

Nia informa media sira bainhira ema hatete katak nee diskusaun internal sempre konsidera “off the record”, nee labele grava, maibe momentu neeba media latama so funsionariu deit, nee  sei investiga.

Governante nee informa, funsionariu neebe grava hodi espalla ba publiku nee motivasaun negativu atu akredita  Ministeriu saude rasik, tan nee wainhira deteta sei hetan sansaun, tanba tuir etika profisionalismu bainhira diskusaun internal labele publika.

Insidente nee tuir Akara hanesan lisaun ida, ba superior hotu parte enkontru tenke aviza katak bele record no labele, tanba agora tama ona ba mundu digital, dalaruma record ba interese pesoal, share ema seluk neebe halo kolega bele hetan maibe nee ema neebe uza smartphone.“Ami tau atensaun loos ba ida nee, liu-liu ba parte komunikasaun sosial sei koopera ho Ministeriu Komunikasaun no operador sira atu hare impaktu negativu neebe iha, liu-liu ba sira neebe kaer smartphone, neebe investigasaun mak sei hatudu, karik funsionariu mak halo sei kona sansaun,”afirma Mericio. Jeniche da Costa

 

Komentariu

Facebook Comments

Leave a Reply

Your email address will not be published. Required fields are marked *