MPRM Kontrola Esplorasaun Fatuk

MPRM Kontrola Esplorasaun Fatuk

- in Economics
252
0
Independensia

DILI – Governu liu husi Ministeriu Petrolium rekursu no Minarais (MPRM) nafatin halo kontrolasaun konaba esplorasaun fatuk Mutin iha mota Comoro, atu nunee labele hetan estragus husi komunidade sira, nomos kompania sira neebe maka kaer projetu iha fatin refere.

Kestaun nee fo sai husi Ministru Petrolium Rekursu no Mineral, Alfredo Pires ba jornalista sira Segunda (17/04/2017) iha Parlamentu Nasional PN.

Hau hanoin governu halao hela ninia knar hodi kontrola atividade sira nee, Autoridade Nasional Petrolium sei kontrola masimu ba asuntu ida nee,”informa Ministru MPRM.

Nia mos informa liu tan katak, agora dadauk MPRM koopera hamutuk entre lina ministerial hanesan, Ministeriu Obras Publiku, Ministeriu Meu Ambiente atu haree konaba asuntu nee, maibe atu dehan deit katak, dezenvolvimentu iha rai ida nee atu lao diak maka presiza duni fatuk no foho sira nee, ida rua tenke fera duni atu nunee, buat hotu bele lao tuir planu neebe maka governu rasik planeadu tiha ona.

Iha fatin hanesan Reprezentante povu iha fukun Parlamentu Nasional Deputadu Jorge Teme mos hatutan katak, haree ba projetu sira neebe maka lao iha rai laran nee, estragu hotu ona foho leten sira nee no fatuk sira neebe maka iha mota laran nee, kuaze ema foti ba faan hotu ona, tanba nee husu ba governu tenke seriu hodi kontrola.

Hau hanoin, ita tenke regula duni atu nunee labele fo impaktu ba ita nia rai iha futuru aban bain rua nian, karik ita hanoin deit maka atu estraga, aban bain rua ninia impaktu ambiental nee sei boot,  no laos fatuk no foho iha Mota Comoro nian deit, maibe governu mos, tenke haree hotu ba ita nia Portu Tibar neebe atu lao, nee mos sei estraga ai horis barak, liu liu ai parapa sira nee,”informa nia.

Nunee mos Diretur Meu Ambiente Joao Carlos hatutan, dezenvolvimentu iha Nasaun TL oras nee abansadu tebes no, foho leten barak maka hetan estragus, fatuk mutin sira iha tasi no mota sira nee ema foti hotu, tan nee knar governu nian maka atu kontrola, maibe atu regula ema sira nee seidauk bele tanba ita rasik sei dauk iha Lei ida, neebe bele kaer hodi regula atividade sira nee. Madalena Horta

Facebook Comments

Leave a Reply

Your email address will not be published. Required fields are marked *