Misa Paskua, Laiha Partisipasaun Husi Sarani

Misa Paskua, Laiha Partisipasaun Husi Sarani

- in Metro, Nasional, Notisias Online
179
0
20200321_202123-1

Editor : Godinho Barros

DILI– Iha komunikadu uluk liu husi konferensia episcopal timorense hasai ona orientasaun balun relasiona ho selebrasaun misa nian.             Hare ba realidade  ikus nasaun  mundu nian no hare mos ba realidade Timor Leste rasik neebe ho limitasaun sira neebe iha.

Amu bispu sira deside tuir orientasaun Dekreto Papal kona ba Corona virus. konferensia  Episkopal Timorense (CET)  orientasaun no desizaun sira kona ba selebrasaun festa boot Paskua nian no husu amu lulik sira atu bele kumpri no divulga Dekretu papal kona ba Covid-19, katak selebrasaun liturjia sira hotu mesmu iha tempu paskua no laiha partisipa husi  sarani.

Sarani sira tuir selebrasaun husi nia uma no bainhira misa liu husi rádio ou Televizaun no biar lá simu komuniaun Eukaristia maibe halo komuniaun esperitual,  esplika Arce Bispo Diocese Dili, Dom Virgílio do Carmo da Silva, SDB liu husi konferensia  imprensa   iha edifisiu  Episkopal Timor Leste, Balide, Dili, Tersa, (24/03/2020).

Nia hatutan katak, ema hotu hatene misa láiha kumuniaun sei lá kompleta, maibe hare ba situasaun iha Timor Leste hanesan nee tempu kalamidade publika no mundial, igreja konvida sarani sira hotu atu halo komuniaun esperitual. Nunee bele evita perigu kontajia husi COVID-19 no husu ba amu lulik sira atu tuir rigorosamente orientasaun no desizaun sira amu papa no Komferensia Episcopal Timorense (CET) nian.

Amu lulik sira laiha despensa kona ba sira nia obrigasaun saserdotal,no husu deit halo ho prudensia, tan nee ba komventus, seminários no kumunidade relijiozu sira bele halao selebrasaun ba deit membru comunidade nian, afirma arcebispu.

Nia relata katak konferensia Episkopal Timorense hakarak fo hanoin hotu ba sarani sira katak los duni  Amu bispu sira iha responsabilidade ba fiar nian, maibe iha mos responsabilidade ba vida ema hotu nian liu-liu sarani katolika sira iha Timor Leste.

 Nia hatutan  sasukat laos fiar forte, fraku ou láiha fiar, maibe sasukat mak povu Timor Leste tomak nia  moris. Maromak rasik fo matenek ba nia kriatura ema atu bele hetan dalan hodi hases an husi akontesimentu sira neebe bele halo terus ba nia  kriatura.

Arce Bispo informa,  pandemia Vírus Corona neebe hadaet ona ba mundu, kuaze nasaun hotu- hotu hetan ona vírus nee, no ema hatene katak moras  nee  fásil  liu hadaet  bainhira ema barak halibur hamutuk. Iha Marsu 21/ 2020, vírus nee tama ona ba Timor Leste, ema hotu rona no hatente kona ba nia konsekuesia vírus ida nee nia iha rai seluk hanesan iha kontinente 5 nia laran.

Reportajen : Alberto Menezes

Komentariu

Facebook Comments

Leave a Reply

Your email address will not be published. Required fields are marked *