Misa Agradesementu Bispu Dom Virgilio, Frater Nain 3 Simu Ordenesaun Diakonal

Misa Agradesementu Bispu Dom Virgilio, Frater Nain 3 Simu Ordenesaun Diakonal

- in Politics
302
0
12615152_1117968291549218_4743342626407878572_o

DILI- Dioseze Dili Komemora tinan ida Bispu Dom Virgilio do Carmo da Silva sai bispu, no mos ordenasaun Freter nain 3 ba Diakon, hodi haklaken maromak nia lia fuan atu servi sarani katolika iha Timor Leste.

Misa Agradesementu nee halao iha Igreja Kateral Dili neebe derize Direta husi Bispu Dioseze Dili Dom Virgilio do Carmo da Silva. Iha Misa Agradesementu nee mos Frater nain tolu ordena sai Diakon.

Frater nain Tolu neebe simu ordenasaun diakno mak hanesan Fr. Aderito de Savio Sequeira husi Minisipiu Ermera, Fr. Mariano Neto de Carvalho no Fr. Melechior Falo husi Rejiaun Administrativu espesial Oe-cusse.

Remata misa ordenasaun, Deoseze Dili husi diresaun komonikasaun sosial mos lansa website deoseze Dili, hodi fo sai aktividade dioseze nian nunee sarani sira bele akompaina informasuan deoseze.

Remata Misa Agradesementu, Bispu Dioseze Dili, Dom Virgilio do Carmo da Silva hatete misa ordenasaun Diakon nain tolu nee sai hanesan ksolok boot ida ba deoseze Dili tamba hetan tan joven nain tolu neebe saran Aan ba maromak.

Frater nain tolu simu ordenasaun hodi saran Aan ba nai maromak atu ba vida nai lulik ninian neebe hahu uluk husi sira nia ordenasaun diaconal, ordenasaun ida nee nudar dalan atu prepara sira nia Aan ba amu lulik ninian,” dehan Dom Virgilio ba STL Sabadu (18/03/2017) iha Igreja Katedral Dili hafoin misa Agradesementu.

Hatan kona ba tinan ida sai Amu bispu hodi servi Sarani Dioseze Dili, Dom Virgilio hatete nia parte agradese ba aman maromak neebe fo nafatin vida iha tinan ida nia laran hodi halao knar nudar bispu.

Iha fatin hanesan Reprezentante Diakon neebe simu ordenasaun, Diaknu Mariano Neto de Carvailho hatete nia parte agradese ba mamorak ho grasa neebe maromak ba sira hanesan grasa vokasaun ida neebe aman maromak hasai ba daikon sira. Timotio Gusmao/Domingos Piedade

Facebook Comments

Leave a Reply

Your email address will not be published. Required fields are marked *