Merkadu Livre Xina Domina Negosiu

Merkadu Livre Xina Domina Negosiu

- in Economics
755
0
Merkadu-Taibesi-615x295

DILI –Timor Leste adopta sistema merkadu livre, oras nee Xina domina halo atividade komersiu no negosiu iha rai laran.

Xefi Suku Bairo Pite Joao Baptista da Costa Belo hatete, iha Suku Bairo Pite, ema estranjeriu neebe halo atividade Komersiu no negosiu barak liu Ema Xineza, maibe restu husi Indonesia, India, Pakista, sira nia atividade loke loja boot iha Dili loke pertamina, fo servisu ba Timor oan lubuk ida.

Hau hanoin prezensa ema estranjeriu iha TL, fo benefisiu ba Timor oan, tanba sira loke loja boot, Timor oan servisu, kontribui redus numeru dezempregu iha rai laran, sei koalia ema halo negosiu, tanba merkadu livre ema hotu bele tama halo negosiu,’’dehan Joao ba STL, Tersa (21/03/2017) iha CCF  Comoro.

Nia hatete, dadus ema estranjeriu xina hira ladun hatene los, maibe hare rasik ho matan, atividade ekonomia ema estranjeriu domina iha rai laran, husi Bairo Pite tesik ba iha Hudi Laran, xina domina halo negosiu.

Tuir lolos, xina mai halo investimentu, maibe halo  negosiu, bele  hamate atividade negosiu Timor oan sira nian, ida nee labele fo sala ba ema tanba governu fo dalan ba ema atu tama iha TL, hanoin Timor oan tenke esforsu  halo negosiu, Kompete ho ema estranjeriu sira.

Iha fatin hanesan Peskizador Lao hamutuk Juvinal Dias hatete, Ema estranjeriu domina halo atividade negosiu iha TL, tanba TL adopta merkadu livre, ema hotu asesu maibe lolos sira mai halo investimentu loke kampu servisu ba Timor oan sira.

Hau hanoin governu liu husi Ministeriu Comersiu Industria e Ambiente (MCIA) tenke kontrola licensia negosiu, para ema estranjeriu mai lori osan boot halo investimentu, laos hadau malu ho Timor oan halo negosiu,” dehan Nia.

Nunee mos Diretor Nasional Regulacao Comersial (MCIA) Domingos Guterres hatete, ema estranjeriu halo atividade negosiu tanba Timor oan sira fasilita halo licensia negosiu, naran ema Timor oan, maibe atividade ema estranjeriu sira nian, buat ida, sai ostaklu boot ba governu atu kontrola iha terenu.

Governu iha politika servisu hamutuk ho ministeriu relevante atu kontrola negosiante estranjeriu neebe halo atividade negosiu, faan sasan leba roupa tama sai iha bairo laran, balun tula iha motor leten ba faan too iha Munisipiu,“dehan Nia.

Nia hatete, Lei investimentu hatete klaru ona katak, ema estranjeriu mai lori capital finanseiru boot, halo investimentu loke kampu servisu ba Timor oan, laos mai hadau malu halo negosiu ho Timor oan sira, hamate atividade Timor oan, neebe ba oin sei kopera autoridade lokal atu kontrola too iha baze. Josefa dos Santos /Carme Ximenes

 

Facebook Comments

Leave a Reply

Your email address will not be published. Required fields are marked *