Mericio Juvinal Dos Reis

Mericio Juvinal Dos Reis

- in Perfil
3633
0
Profil Akara

REZULTADU Eleisaun Parlamentar, 22 Juhlu 2017 neebe Tribunal Rekursu aprova iha loron 1 Agostu 2017 hatudu katak membru deputadu foun (IV Lejislatura) hamutuk ema nain 65  ba periodu 2017-2022. Reprezentante povu sira nee mai husi partidu 5 kompostu husi Fretilin 23 kadeira, CNRT 22 kadeira, PLP 8 kadeira, PD 7 kadeira no KHUNTO 5 kadeira.

Lista naran deputadu husi Partidu Libertasaun Popular (PLP) nian neebe Tribunal Rekursu aprova mak hanesan,Taur Matan Ruak, Fidelis Manuel Leite Magalhaes, Rosalina Ximenes, Abrao Jose Freitas, Demetrio do Amaral de Carvalho, Maria Angelina Lopes Sarmento, Abel Pires da Silva no Mericio Juvinal dos Reis.

Rubrika profil ohin atu fo koñesementu kona ba figura Mericio Juvinal Dos Reis. Iliomar oan neebe kompleta ninia estudu Antropolojia iha FISIP-Universidade Indonezia (UI) Jakarta, moris iha Sub-Distrito Iliomar, 19 Janeiro 1974. Nia forma ona uma kain ho Endah Pakaryaningsih. Agora daudaun sira iha ona oan rua.

Mane bonitu  neebe bai-bain bolu Mericio Akara nee, agora dadaun asumi knaar hanesan Reprezentante povu iha uma fukun Parlamentu Nasional hanesan Deputadu husi Bankada PLP. Mericio bele koalia Makalero, Makasae, Tetum, Espanol, Indonezia no Inglesh. Nia remata nia Eskola Primaria 1 iha Iliomar, Eskola Pre-sekundaria João Paulo II iha Iliomar, no Sekundaria iha SMA 1 Dili.

Durante halao estudu iha Indonésia, laen husi Endah Pakaryaningsih nee, hanesan aktivista pro-independensia neebe organiza no mobiliza nia maluk sira iha nivel universitariu iha Jakarta laran, hodi fo suporta ba ukun rasik an liu husi Keluarga Besar UI (KBUI), no Liga Mahasiswa Nasional Pro-Demokrasi (LMND). Neebe halo ligasaun mos ho kompatriota sira iha PRD, SMID no SPRIM hodi halo presaun ba Indonezia kona-ba asunto demokratizasaun, direitus humanus, justisa no libertasaun ba Timor Leste.

Depois de Ukun An, Mericio servisu iha World Vision nudar Program Officer ba Shelter Program, International Rescue Committee nudar Program Coordinator ba Edukasaun Informal, no-mos nudar Peskizador Asistensia Bilateral (Japan and América Aid) iha Lao Hamutuk.

Komesa iha tinan 2005, Mericio ho nia kolega sira harii Institutu Luta Hamutuk, neebe fo atensaun liu ba iha programa neebe, iha relasaun ho transparensia iha orsamento jeral do estado, fundu petrolifero, inisiativa transparensia iha extraktiva industria minarai no gas (EITI), nomos hakbiit rede inisiativa husi komunidade.

Relasaun ho servisu iha Luta Hamutuk, Mericio nia knaar hanesan Direktur, Mericio iha responsabilidade boot hodi halo lobby, kria relasaun internasional, hodi habelar liu tan rede ba programa advokasia nian iha nivel internasional, liu-liu iha Azia Sudeste.

Komesa iha tinan 2009, ho demokratikamente, Mericio hetan fiar husi nia kolega, ONG nasional no lokal hodi sai membro EITI Multi Stakeholder Working Group (MSWG) iha Timor Leste.

Nudar reprezentante sosiedade sivil iha EITI-MSWG, Mericio fo nia kontribuisaun makaas, hodi aselera prosesu transparansia minarai no gas (EITI) iha Timor Leste, neebe tur hamutuk ho guverno no kompania minarai.

Rezultado servisu hamutuk  no makaas liu tan mak, Timor Leste agora sai ona hanesan nasaun kompridor primeiro iha Azia Sudeste hodi implementa EITI.

 Mericio nia obsessaun ba asunto prevene, malisan rekursu (resource curse) neebe nasaun lubuk ida, iha Regiaun Africa  infrenta tanba laiha transparensia no akuntabilidade husi guverno no kompania minarai bain hira explora no exploita minarai no gas.

Uluk asumi knaar hanesan Direitor, Mericio sempre fo hanoin neebe konstruktivo, ba guvernu no Parlamentu Nasional sobre asunto orsamentu jeral do estado, no nia exekusaun, fundo petroliferu, korrupsaun, EITI nomos politika publiku neebe mak difikulta dezenvolvimento povu hotu-hotu nia mehi.

Tanba nee dala barak liu husi estatmentu Mericio nian, ita hotu sempre rona projetu infrastrutura neebe lao la  hatudu kualidade diak, hanesan estrada, no ponte, eskola, klinika, merkadu, servisu eletrisidade, ho konseinsia boot nafatin nia promove asuntu sosial balun neebe povu infrenta no luta ba pipeline mai iha Timor Leste, promove pratika fundu petroliferu ho diak iha nivel distritu (sukus) too iha nivel internasional, hodi ho nunee prosesu dezenvolvimentu iha rai tenke transparente, akuntavel no livre husi pratika korrupsaun, kolusaun nomos  nepotismo.

No servisu hotu hotu atu lao ho diak ba oin maka, tenke halo kolaborasaun no kooperasaun diak, ho stakeholder sira hotu, hanesan Secretariu Estado Recurso Naturais, SE Eletrisidade, SE Obras Publico, Autoridade Nacional Petroleo, Autoridade Pagamento Bancária, Ministeriu Dezenvolvimentu Ekonomiku, Ministeriu das Finansas, Comisaun G “Infrastrutura” Parlamentu Nasional, Konsellu Konsultivu Fundo Petroliferu, EITI Working Group, Banco Mundial, partido politiku sira no Autoridades locais sira.

Hodi reforsa relasaun external iha nivel internasional, Mericio halo viazen lubun ida ba estranjeiru ho aktividades oi-oin, sai panelista iha simposium no konferensia international, mak hanesan ba Liberia, nudar panelista ida konaba, Asuntu transparansia iha setor industria no gas

Ba Canada tuir treino kona ba Direito Ekonomia, sosial no Kultura neebe fasilita husi Equitas Canada, ba Cuba hanesan Intercambio, hodi aprende ba malu kona-ba edukasaun popular iha Havana. Ba Filipina, Thailandia, Liberia, Zambia, Cambodia, Indonezia, Franca, Inglatera, Jerman, nudar resources person ba asunto transparensia iha extrativa minarai no gas. Nune mos ba eventu internsional importante balun iha Budapest-Hungary, Qatar, Washington-Amerika, Bazil, Peru, Salomon Island, PNG no Austrália.

Suporta husi nia kolega sira iha Timor Leste nomos sosiedade sivil iha Azia Sudeste, iha tinan 2011, Mericio passa iha seleksaun nudar membro Konsellu Internasional EITI iha Oslo neebe reprezenta Azia Sudeste. Tanba nee komesa fulan Marsu 2011, Mericio partisipa iha enkontru primeiro nudar membro iha conferensia internasional entre membro Konsellu Internasional EITI iha França.

Nudar update informasaun ikus, katak Luta Hamutuk Institute iha programa hamutuk tolu (3), mak hanesan programa neebe iha relasaun ho Budget Transparency, Oil Transparency nomos Community Based Advocacy. Vizaun husi Luta Hamutuk Institute mak luta ba justisa ekonomia iha Timor Leste.

Iha fulan Marsu 2013, Mericio Mericio eleitu demokratikamente hanesan membru sosiedade sivil iha Konselhu Konsultivu Fundu Petroliferu hodi fo asesoaria ba Parlamentu Nasional ba tinan 5 oin mai. Mericio Mericio mos hanesan Eis Membru EITI Working Group husi tinan 2008 – 2013. Iha nivel internasional, Mericio Mericio hanesan Eis Membru Board EITI representa sosiadade sivil iha rejiaun Asia Pasifiku husi tinan 2011 – 2013.

 Iha tinan 2017 nia laran partidu ho povu TL, tau fiar hodi sai hanesan Reprezentante povu iha uma fukun Parlamentu Nasional.

Liu husi aktividade iha nivel international ida neebe, Maricio promove transparansia no akuntabilidade ba reseitas husi aktividade industria extraktivu nian iha mundo.

Aktividade internasional hirak neebe, Mericio halo hanesan komparasaun husi rede internasional sira mak hanesan Revenue Watch Institute (RWI), Network for Integrity in Reconstruction (NIR) ba Post Conflict Countries nomos Publish What You Pay (PWYP) International, Mericio involve kedan iha servisu sosiedade sivil nian, husi  tinan 2000 too 2016. Madalena Horta

Facebook Comments

Leave a Reply

Your email address will not be published. Required fields are marked *