Merenda Eskolar Iha Covalima Hahu Lao, Munisipiu Seluk Seidauk

Merenda Eskolar Iha Covalima Hahu Lao, Munisipiu Seluk Seidauk

- in Edukasaun
272
0
Fos Merenda

DILI – Oras nee Ministeriu Edukasaun (ME), simu ona informasaun husi Munisipiu Covalima konaba programa merenda eskolar lao ona iha Munisipiu nee.

Tuir Diretor Jeral husi ME, Antoninho Pires hatete, konaba merenda eskolar nia rasik sempre koalia bebeik katak, orsamentu ba tinan nee, ME entrega ona ba iha autoridade Munisipiu, ida mak agora ME tenta atu nunee prezidente autoridade Munisipiu bele jera ou ezekuta ona osan nee.

Primeiru atu hatete deit katak, iha Munisipiu balun, too horiseik ami hetan ona informasaun ida katak, iha Munisipiu Covalima lao tiha ona, maibe iha Munisipiu sira seluk mak seidauk lao, tanba sira seidauk establese didiak,”dehan DJ Antoninho ba STL iha edifisiu MSS Caicoli, Dili, Kuarta (15/03/2017).

Antoninho aumenta durante nee publiku mos kestiona bebeik konaba programa nee, tanba hahu iha Janeiru too Marsu nia laran, estudantes eskola baziku sira too agora seidauk asesu ba iha programa nee, tanba programa nee laos foin hahu, maibe hahu kedas iha tinan hirak liu ba.

Iha parte seluk, Prezidente Autoridade Munisipiu Dili, Gaspar Soares hatete, hanoin konaba programa merenda eskolar, agora prosesu lao hela, tanba uza Sistema, Sistema nee tenke cek didiak, neebe sei iha prosesu nia laran. Jacinta Sequeira

Facebook Comments

Leave a Reply

Your email address will not be published. Required fields are marked *