Menus Sala-Prokurador, Tribunal Adia Julgamentu

Menus Sala-Prokurador, Tribunal Adia Julgamentu

- in Krime
216
0
TTD1

DILI- Tribunal Distrital Dili adia julgamentu ba kazu ofensa integridade fisika simples OIFS, tanba prokurador iha julgamentu ba arguidu prezu, no sala julgamentu menus.

Tribunal suspende fali julgamentu ba kazu nee, iha loron 16 fulan Janeiru tuku 9:00, hodi rona deklarasaun husi arguidu no lezada.

Tuir akuzasaun neebe iha, iha loron 01 fulan Junhu 2017, oras tuku 06h00 dader, iha fatin akontesementu, metin 04 suku Bebonuk, postu administrativu Dom Aleixo Comoro Dili.

Momentu neeba lezada AEA nudar arguidu SC eis kaben, ba iha arguidu nia uma ho intensaun atu husu responsabilidade arguidu atu sustenta ba oan nain rua neebe sei iha menor idade.

Bainhira lezada koalia, arguidu la satisfaz no nervoju diretamente lori liman tuku dala ida kona iha hirus matan, tuir fali lori ain tebe dala ida kona iha kabun, no kidan parte loos halo lezada monu ba rai too dezmaia.

Konsekuenisa direita husi agresaun fisika neebe arguidu halo ba lezada, mak hetan sofrementu hanesan kanek no bubu iha isin lolos no sente moras hodi ba halo taratamentu iha centru saude Comoro.

Arguidu halo nia hahalok ho intensaun, livre no konsientemente tanba nia rasik hatene katak aktus neebe hasoru nia eis fen hanesan krime no lei kontra violensia domestika.

Ministeriu Publiku akuza arguidu hanesan autor ba krime ofensa ba integridade fisika simples neebe previstu no punidu tuir artigu 145 kodigu penal, no konjuga ho lei no 07/2010 lei kontra violensia domestika.

Audensia julgamentu nee, prezide husi juis singular juiza Maria Modesta, Ministeiru Publiku reprezenta husi prokurador Hipolito Santa, no arguidu hetan asistensia legal husi Defensor Publiku Manuel Sarmento. Terezinha De Deus

Facebook Comments

Leave a Reply

Your email address will not be published. Required fields are marked *