Menus Konesimentu, Isin Rua Sedu

Menus Konesimentu, Isin Rua Sedu

- in Nasional
46
0
images (7)

DILI-Feto barak ho idade minoridade isin rua sedu, tanba menus konesimentu ou falta informasaun kona ba saude reprodutivu no seksual.

Atu fenomena nee labele akontese iha rai laran, governu liu husi Ministriu Saude tenke halo asaun neebe seriu, para nunee labele fo impaktu ba inan feto sira nia saude. Tanba ohin loron feto adolsente, barak mak isin rua no sai inan ho idade 15 no 19.

Tuir Diretora Organizasaun Movimentu Feto Foinsae Timor-Leste(MOFFE) Yasinta Lujina dehan, oin loron feto adolsente barak maka isin rua, tanba felta informasaun kona ba saude reprodutivu no seksual.

Bazea ba rezultadu auditoriu sosial neebe ami halao iha Munisipiu Covalima, Manatuto inklui Munisipiu Dili,  feto ho idade minoridade barak sai inan, tanba menus konesementu, hatete Yasinta ba STL, iha salaun CNE, Kinta (12/12/2019).

Maibe nia  dehan ,iha mos fator seluk sosiedade neebe hela iha area rural, sei konsidera kaben ho idade kiik nee normal.

Nia fo ezemplu Iha kazu balun feto foinsae ida tinan 12 neebe tama ona idade reprodutivu no hetan violensia seksual, depois akontesementu nee nia isin rua.

Maibe labarik nee rasik la hatene tanba la kompriende, bainhira nia oin halai no monu, lori ba sentru saude deskobre nia positivu isin rua.

Yasinta esplika, realidade bainhira feto ida isin rua ona tantu idade kiik ou boot, familia sira sempre obriga sira tenke kaben entaun tenke sakrifika eskola.

            Tanba nee  husu ba governu tenke halo asaun hodi responde ba situasaun ida nee, labele husik deit, se lae jerasaun foun sira laiha edukasaun neebe kualidade no aas.

No fo impaktu boot ba dezenvolvimentu, inklui hamosu problema sosial sira hanesan dezempregu, violensia, kiak, violensia domestika no seluk tan.

Hau husu ba Ministeriu Edukasaun e Kultura no Ministeriu Saude atu haree asuntu ida nee, liu-liu implementa kurikulum material saude reprodutiva no seksual iha ensinu,Yasinta salienta.

Iha fatin ketak, Peter Brando nudar Mediku Jeral Iha Sentru Saude Vera Cruz dehan, idade ideal ba feto ida atu isin rua tuir saude  mak tinan 20 ba leten no labele liu husi tinan 35 foin isin rua primeiru, tanba risku aas ba mortalidade.

Nia , inan sira neebe fo idade minoridade, risku boot tebes atu hetan moras tensaun no moras ida nee, rasik bele fo impaktu ba iha sira nian kondisuan nunee mos ba bebe iha kanotak.

Inan isin rua sofre moras tensaun bele akontese abortu, bebe moris ho pesu kiik no bele mos akontese malformasaun congenital( laos inan hotu), nia esplika.

Peter afirma tan katak, feto isin rua ho minoridade risku boot tebes atu hetan moras tensaun, kompara ho inan adulto sira tanba fisikamente, emosional no psikologiamente seidauk prontu atu isin rua.

Nia hatete, atendementu neebe sira fo mak laos fo ai-moruk deit, maibe halo mos akonsellamentu ba inan sira atu halo dieta saudavel. Jeniche da Costa

 

Komentariu

Facebook Comments

Leave a Reply

Your email address will not be published. Required fields are marked *