MEL Oecusse Rejeita Lelaun Kareta PN

MEL Oecusse Rejeita Lelaun Kareta PN

- in Distritu
1170
0
METL Oecusse

AMBENO-Maske dook iha rai ketan, estudante universitaria iha Oecusse latoba dukur relasiona ho problema lelaun kareta prado neebe eis deputadu III Lejislatura sira uza durante sira nia mandatu.

Liu husi organizasaun neebe sira hanaran, Movimentu Estudante Lifau (MEL) Rejiaun Oecusse, sira rejeita total ba lelaun kareta pradu eis deputadu sira nee.

Portavoz MEL Jose Tefa Alias Railifa hatoo lia hirak nee ba jornalista iha Cede MEL, Bairo Palaban, Suku Costa, Sub-Rejiaun Pante Makasar, Oecusse, Kuarta (11/10/2017).

Sira dehan, relasiona ho deklarasaun neebe eis Prezidente Parlemento Nasional Aderito Hugo da Costa katak, atu kansela lelaun kareta ba ba eis deputadu III  legislatura nomos hateten katak, sei hatama fila fali kareta hirak nee.

Maibe realidade eis deputado III legislatura balu husi bankada partidu 4 (CNRT, PD, FM no CNRT) ate agora seidauk hatama kareta ba PN. Realidade hatudu katak kareta prado hirak nee eis eis deputadu sira seidauk entrega ba PN. I piorliu balu atu troka ona xapa matricula ba kareta privado.

Lalaok nee MEL rejeita total. MEL ho MUTL nafatin firme, ejiji ba eis deputadu sira tenke fo fila patrimonia estadu imediatamente.

Relasiona ho kareta neebe seidauk hatama no hola kareta foun ba IV legislature, MEL reafirma ninia pozisaun. MEL sei hamutuk ho MUTL hodi kontinuasaun halo asaun iha Parlemento Nasional nia oin.

Tuir mai MEL hatoo sira nia ejijensia: husu ba atual Prezidente PN tenke halo revisaun ba desijaun ba suspensaun alinasaun ba kareta prado ba fim mandate III legislature. Ho nunee bele halo ceck lista ba deputadu sira nebe maka hatama ona kareta, no ida neebe maka seidauk hatama kareta ba Parlementu Nacional no halo rezolusaun ida hodi obriga eis deputado III legislature  nian atu entrega fila hikas kareta prado nebe sidauk entrega.

Husu ba eis president parlemento Nacional III legislature no atual nudar membro deputado IV legislature hodi halo klarifikasaun ba desizaun kanselamento ba alineasaun kareta prado hasai iha III legislature nebe membros deputadu III legislature nafatin manten privatijasaun no lakoi entrega fila hikas kareta ba PN.

Husu ba parlemento Nacional Iha IV legislature atu hasai rezolusaun hodi kondena pesoal eis membro deputado sira nebe sidauk entrega fila kareta ba PN.

Husu ba Prezidente PN IV legislatura hodi kansela sosa kareta foun ba membrus deputadu foun tamba iha despezas bo’ot nebe laiha retornu no sei prejudi ba OJE.

Husu ba komando PNTL hodi kolabora ho desizaun PN konaba kanselamento alineasaun ba kareta prado nune’e hodi sita kareta prado nebe’e eis deputadu sira kontinua privatizasaun.

Karik kareta hirak ne’e maka maka eis deputadu III legislature la entrega ba PN no deputadu IV legislatura la hapara hola kareta foun maka ami movimentu Estudante Lifau sei hamutuk ho Movimento Universitario Timor Leste hodi halo asaun iha PN nia oin iha tempo badak nia laran. Abilio Elo Nini

Facebook Comments

Leave a Reply

Your email address will not be published. Required fields are marked *