MEK Kontinua Identifika Inundasaun Iha Eskola

MEK Kontinua Identifika Inundasaun Iha Eskola

- in Edukasaun
6655
0
kondisaun-eskola

DILI-Ministeriu Edukasaun e Kultura (MEK), liu husi edukasaun Munisipiu Dili, sempre tun ba iha terenu, hodi bele identifika inundasaun neebe mak mosu eskola iha tempu udan.

Kestaun nee fo sai husi xefi gabinite, direitor edukasaun Munisipiu Dili, Jose Azori Campos, hatete, hanoin atu halo servisu hamutuk entre Ministeriu ho Ministeriu seluk, nee kompetensia husi Ministeriu nian, maibe ami husi edukasaun Munisipiu Dili ninia, sempre halo identifikasaun ba kualker difikuldade sira neebe mosu iha terenu, depois aprezenta ba iha MEK, aprezenta ba prezidente autoridade  municipal, oinsa mak  atu tau iha planu.

Kuandu identifika ami sei aprezenta ba iha Ministeriu Edukasaun e Kultura (MEK), aprezenta ba prezidente autoridade municipal, oinsa mak atu tau iha planu, hodi bele halo servisu hamutuk, ezemplu hanesan Ministeriu obras publika, para atu bele responde karik udan tama iha area eskola,” hatete Jose ba jornalista bainhira partisipa iha seremonia graduasaun estudantes pre eskolar Buras Kadalak Luru Mata Dili Tersa (05/12/2017).

Nia hatete, edukasaun Munisipiu Dili, sempre tun ba iha terenu, hodi bele halo identifikasaun ba eskola sira neebe karik udan tama, depois relata ba prezidente autoridade municipal ninia, atu bele haree asuntu ida nee ho diak liu tan ba oin.

Hau hanoin tuir ami nian identifkasaun iha terenu nee, bainhira udan, inundasaun sempre mosu nee, barak liu ensinu baziku ninia, ida iha Manleuana nee ba, no iha eskola sira seluk tan, maibe asuntu ida nee mosu, ami sempre relata kedas ba iha ita nian prezidente autoridade municipal ninia,”dehan nia.

Iha parte seluk, Direitora Jeral husi MEK, Antoninho Pires, dehan, atu responde konaba asuntu ida nee, Ministeriu labele halo servisu mesak, maibe oinsa mak atu bele halo koordenasaun ho Ministeriu obras publika, atu nunee bele haree no kontrola ba eskola sira neebe mak sempre ameasa ba iha inundasaun, liu-liu iha tempu udan.

“Ita atu responde konaba asuntu ida nee, Ministeriu labele halo servisu mesak, maibe oinsa mak atu bele halo koordenasaun ho Ministeriu obras publika, atu nunee bele haree no kontrola ba eskola sira neebe mak sempre ameasa ba iha inundasaun,”katak nia. Jacinta Sequeira

 

Facebook Comments

Leave a Reply

Your email address will not be published. Required fields are marked *