MEK Distribui Material EN

MEK Distribui Material EN

- in Edukasaun
3664
0
Entrega Materia

DILI – Ministeriu  Edukasaun  e Kultura  (MEK), hahu halo distribuisaun material  ezame nasional (EN) ba  iha Munisipiu ida-idak  iha teritoriu  Timor Leste  (TL), maibe husu ba estudante  tenke  prepara aan estuda.

Seremonia distribuisaun material  ezame nasional nee halao iha sentru de empreza MEK  Comoro Dili, hetan partisipasaun husi Ministru Edukasaun e Kultura (MEK), Fernando Hanjam, vise Ministru edukasaun, Jose Neves, Direitor jeral MEK, Antoninho Pires, Direitor  Jeral  Ensinu Superior  Siensia  e Teknolojia, Elsa  Maria  Correia, inklui  direitor  edukasaun Munisipiu  13.

Hafoin  entrega material, ba jornalista, Ministru  Edukasaun  e Kultura  (MEK), Fernando  Hanjam, hatete, iha loron  23  too  25   iha ezame nasional, entaun  3 dias antes dokumentus sira neebe mak preparadu Ministeriu edukasaun neebe mak imprime iha nee, tanba grafiku nasional, tanba foin primeira ves  impreme ida nee, atu entrega direitamente  ba iha Munisipiu ida-idak iha teritoriu TL.

Ita boot sira  hatene katak, iha loron  23  too  25 iha ezame nasional, entaun  3 dias antes dokumentus sira neebe mak preparadu Ministeriu edukasaun neebe mak imprime iha nee, tanba nee ita nian grafiku nasional, tanba foin primeira ves  impreme ida nee, atu entrega direitamente ba iha Munisipiu ida-idak iha teritoriu TL,”dehan MEK Fernando ba jornalista iha  sentru  empreza MEK  Comoro  Dili  Kinta  (19/10/2017).

MEK, Fernando, akresenta, finalista sira neebe mak atu partisipa iha ezame nasional nee hamutuk quarenta seti mil quatu sentus dois finalistsinu baziku, sekundariu jeral no tekniku vokasional, sentu quarenta quadru mil trezentus e oetenta, Ida nee kustu nee poupa duni, hanesan tinan hirak liu ba.

Iha  nee Ministeriu sei la halo servisu mesak, maibe hau ho hau nia ekipa tomak, hau fiar katak, hau nia funsionariu sira servisu professionalizmu, nunee mos  ami nian  PNTL  bele  halo seguransa, hodi bele akompana  material sira nee ba too iha Munisipiu, inklui  funsionariu  MEK  sei akompana  ba too iha Munisipiu. Hau nian mensajen ba ita nian estudante hotu iha ita nian pais tomak, tenke prepara imi nia aan didiak, atu nunee bele hetan rezultadu neebe mak diak, tanba imi nian susesu, hanesan Ministeriu ninia susesu no professor sira nian susesu,”dehan nia.

Iha  fatin  hanesan  Direitor  edukasaun  Munisipiu Bobonaro, Alcino  Barreto  Joao, dehan, finalista  iha Munisipiu Bobonaro, ensinu baziku  2.212, ensinu sekundariu 1.660, tanba nee,  preparasaun estudante sira nian preparadu.

Hau nian finalista iha Munisipiu Bobonaro, ensinu baziku 2.212, ensinu sekundariu 1.660, preparasaun estudante sira nian preparadu, tanba balun agora sei simu numeru ezame nasional,”nia hatete

Nunee mos  Direitor  edukasaun  Munisipiu Manatuto, Eduardo  Guterres, hatete, ohin   sira  mai simu material ezame nasional, tanba nee,  sira sei aranka ba iha Munisipiu, no sira bele garante material sira nee ba too iha  Munisipiu.

Ohin ami mai simu material ezame nasional, tanba nee, ami sei aranka ba iha ami nian Munisipiu, no ami bele garante material sira nee ba too iha Munisipiu, tanba aban ami sei entrega fali material nee ba iha polisia eskuadra ninia,”dehan nia.

Nia hatete, finalista husi Munisipiu Manatuto, neebe mak atu partisipa iha ezame nasional, ensinu baziku 1.004, sekundariu jeral no tekniku vokasional hamutuk 509. Jacinta Sequeira/Natalino Belo

 

Facebook Comments

Leave a Reply

Your email address will not be published. Required fields are marked *