MEJD Servisu ho Embaixada Indonesia Iha TL

MEJD Servisu ho Embaixada Indonesia Iha TL

- in Edukasaun
109
0
Cristal

DILI-Ministeriu Edukasaun Joventude no Desportu (MEJD), servisu hamutuk ho embaixada Indonesia iha Timor Leste (TL), hodi bele fo formasaun ba professor sira, liu-liu sira neebe hanorin lian melayu inklui mos lian Indonesia.
Tuir Direitor Jeral husi MEJD, Antoninho Pires, hatete, politika husi MEJD katak, lian ofisial nee hat, tanba lian neebe ita uza iha Timor nee lian hat, tanba lian ofisial rua, tetum no portugues, maibe lian servisu ninia english no Indonesia, agora lian Indonesia nee ba iha eskola sira, tama hanesan lian material ba bahasa ninia.
“Tanba ita nian politika husi MEJD katak, lian ofisial nee hat, tanba lian neebe ita uza iha Timor nee lian hat, tanba lian ofisial rua, tetum no portugues, maibe lian servisu ninia english no Indonesia, agora lian Indonesia nee ba iha eskola sira, tama hanesan lian material ba bahasa ninia, neebe agora dadaun nee halo hela formasaun ba professor sira neebe hanorin lian melayu inklui mos lian Indonesia, ida nee ita servisu hamutuk ho embaixada Indonesia nian iha Timor, halo hela formasaun ba professor sira, atu nunee bele fo fila-fali formasaun ba professor seluk,”dehan DJ MEJD Antoninho ba STL iha edifisiu MEJD Vila-Verde Dili Tersa (23/07/2019).
DJ MEJD, Antoninho, sublina, material neebe professor sira hanorin iha eskola, sira nee mak agora dadaun halao hela formasaun, espera katak, ba oin kooperasaun ida nee bele lao ho diak liu tan iha future.
Iha sorin seluk, Direitor Interinu ESJ no 4 de Setembru Balide, Sergio Alfredo da Cruz, hatete, eskola ida nee, iha tinan hirak liu ba, alende lian english, portugues, tetum, maibe iha mos lian melayu, nee sempre halao iha prosesu aprenizajen.
“Neebe material melayu nee ita nian professor sira hanorin hela, maibe hau rasik mak seidauk haree konaba livru ida lian melayu ninia, maibe professor sira neebe hanorin material melayu, husu ajuda ba professor sira seluk, neebe mak hanorin iha eskola seluk,”dehan nia
Nunee mos Julio de Jesus Moniz, dehan, durante nee sira nian material konaba melayu iha, tanba professor sira sempre tama iha sala, bainhira iha orariu konaba material ida nee, professor tama iha sala hodi hanorin estudante sira, tanba nee, ba material melayu ladun iha problema. Jacinta Sequeira

Komentariu

Facebook Comments

Leave a Reply

Your email address will not be published. Required fields are marked *