MEJD Rekoinese Farda Eskola Kor Gado-Gado

MEJD Rekoinese Farda Eskola Kor Gado-Gado

- in Edukasaun
69
0
Cristal

DILI-Ministeriu Edukasaun Joventude no Desportu (MEJD), rekoinese katak, farda eskola iha Timor Leste  (TL), kor sei gado-gado.

Preokupasaun nee hatoo husi Vise Ministru Edukasaun Joventude no Desportu (MEJD), Joao Zacarias  dehan,  sira nian hanoin hamutuk ho Ministra ba iha KM, oinsa para atu bele haree ninia uniforme ida nee ba oin, oinsa ba oin  atu implementa  liu-liu farda eskola nee tenke  uniforme, tanba  eskola hotu-hotu fardamentu sira nee plemenus  iha seragam ou uniforme.

Ami hatoo ona ami nian hanoin hamutuk ho Ministra ba iha KM, oinsa para atu bele haree ita ninia uniforme ida nee ba oin, oinsa ba oin ita atu implementa, liu-liu farda eskola nee tenke  uniforme, tanba ita hakarak eskola hotu-hotu fardamentu sira nee, plemenus  iha seragam ou uniforme, agora ita haree kor nee gado-gado ou oi-oin deit, neebe ministra rasik hatoo tiha ona, ita boot sira hein deit, kuandu iha ona rezultadu ami sei fo hatene fali ba ita boot sira,”dehan vise MEJD Joao ba STL iha EBC Fatumeta Dili Sesta (22/03/2019).

Vise MEJD, Joao akresenta, agora dadaun farda eskola nee seidauk uniforme, tanba nee, ba oin presiza haree, oinsa eskola hotu-hotu bele uza farda uniforme, tanba agora nee, eskola ida-idak sei uza sira nian farda eskola.

Nunee mos Direitora EBC Fatumeta, Fernanda Caldeira Belo, hatete, sekarik parte MEJD iha ona hanoin no planu konaba farda eskola ninia, oinsa atu halo uniforme konaba  farda eskola ninia, eskola hein deit. Notisia kompletu lee iha jornal STL edisaun Kuarta  (27/03/2019). Jacinta Sequeira

Komentariu

Facebook Comments

Leave a Reply

Your email address will not be published. Required fields are marked *