MEJD Produs Kaderneta 300.000

MEJD Produs Kaderneta 300.000

- in Edukasaun
89
0
download (3)

DILI-Ministeriu Edukasaun Juventude no Desportu (MEJD), halo tiha ona konkursu publiku ho nivel internasional, atu bele produs kaderneta eskolar, hamutuk trezentus ital mil (300.000), hodi fahe ba nivel ensinu hotu iha Timor laran.

Kestaun nee hatoo husi Koordenador Unidade Curriculum Nasional, Fernando Gama hatete, agora relativamente distribuisaun kaderneta ba eskola sira, los duni katak, kuaze tinan MEJD la konsege halo produsaun neebe maximu ba kaderneta, tanba iha tinan 2017-2018 uza orsamentu 2 desimu, politika neebe momentu akontese, entaun orsamentu la sufisiente, atu halo produsaun ho kualidade boot, bele halo distribuisaun kaderneta.

2018 ita halo proposta 2019,ita prepara orsamentu neebe sufisiente bele halo produsaun kaderneta ba eskola sira, maibe tinan ida nee, ita hatama ona proposta ba impresaun kaderneta ba tinan rua nian, neebe seidauk kompleta husi 2017-2018, mai too 2019, agora ita provolta Trezentus  Ital Mil kaderneta, neebe iha prosesu impresaun nian laran,tanba prosesu impresaun nee, laos ita nian sentru impresaun mak imprimi,maibe foin dadaun,ita halo konkursu publiku, ho nivel internasional, atu produs kaderneta escolar ba nivel hotu husi EBC ba too ESJ, dehan Gama ba jornalista iha edifisiu MEJD Vila Verde, Dili, Sesta (06/12/2019).

Fernando akresenta, buat hotu lao diak, iha dezembru nian laran, produsaun remata bele distribui ba eskola sira, maibe agora dadaun nee, distribui kaderneta ba eskola, seidauk bele halo hotu, tanba prosesu impresaun kaderneta, nee laos iha rai laran, maibe iha rai liur.

Kompana internasional mak halo produsaun ba ita nian kaderneta, iha fulan ida nee nian laran ita garante katak, remata produsaun ita sei halo distribuisaun ba eskola sira. Kaderneta nee ninia kuantidade boot liu iha EBC, maibe sekundariu ladun iha problema,dehan nia.

Iha sorin seluk Ministra Edukasaun Joventude no Desportu (MEJD), Dulce de Jesus Soares dehan, MEJD tau orsamentu, tanba nee halo impresaun ba kaderneta eskolar, iha dadaun ona, tanba sosa material, depois tekniku sira halo rasik deit.

Hau hanoin ami halo impresaun ona, komesa dadaun ona, halo distribuisaun ba Munisipiu sira, se ita boot sira atu hetan informasaun klaru liu tan, diak liu ba husu iha sentru impresaun no diresaun unidade curriculum ninia, dehan nia.

Nunee mos Direitur Edukasaun Munisipiu Covalima, Teotonio da Cruz Teles hatete, tinan tolu  eskola iha Covalima laiha kaderneta ba estudantes, hahu husi Pre-eskolar too  estudante sekundaria jeral no  tekniku vokasional.

Problema sira nee hatoo ona parte nasional, maibe labele produs kaderneta, tanba sentru impresaun edukasaun labele produs kaderneta, tanba relasiona MEJD hapara funsionariu, hodi nunee provizoriu, estudante sira nia valor eskola  ida-idak mak halo lista uza surat tahan, hodi fahe ba estudante  sira nia inan aman, dehan nia.

Iha fatin hanesan Direitur Edukasaun Munisipiu Liquica, Zito Antonio dehan, kaderneta ba estudantes primeiru ciclo, segundu ciclo neebe pasa ba klase laiha kaderneta atu priense valor, hodi nunee estudante sira nia valor, priense iha surat tahan ida, fahe ba estudantes nia inan aman. Problema sira nee hatoo ona parte diresaun curriculum, maibe too ohin loron seidauk resposta. Jacinta Sequeira/Donaciano Magalhães

Komentariu

Facebook Comments

Leave a Reply

Your email address will not be published. Required fields are marked *