Mediku Preokupa Pasientes Grave, Husu Alta Sedu

Mediku Preokupa Pasientes Grave, Husu Alta Sedu

- in Metro
20
0
584444

DILI- Tuir Xefe Departementu  Bedah  iha  Hospital  Nasional   Guido  Valadares (HNGV), Doutor  Cirurgia  Alito  Soares  hateten,  pasiente   tohar   no  kankru  barak  maka  deside   sai  husi   ospital   hodi  ba  halo  tratamentu   tradisional.

Nia  sublina, regulamentu   interna  ospital  nian  mediku  labele   fo  pedidu   alta  sedu  ba  pasiente   sira,   maibe mediku  mos  labele obriga pasiente  atu  halo  opsaun  no  baixa iha ospital.

Profesional  saude  sira  nunka   fo  pasiente   sira  atu  alta  sedu,  maibe   ita  fo  korajen  ba  sira  atu   sira  bele   simu  tratamentu   neebe  ospital  fo,  no  esplika mos  komplikasaun  sira  neebe  mosu  bainhira  halo  tratamentu  tradisional  atu sira  rasik  mak  hili  tamba  ita  labele  obriga   pasiente  ida  atu  halo   operasaun   no  hela   iha  ospital,”hateten Alito ba jornalista sira iha Hotel Timor, Sesta (08/03/2019).

Nia  hateten,   iha  sala   bedah  ikus-ikus  nee  numeru   pasiente  neebe   husu  alta  sedu  aas,  tanba  iha  tinan  2007  nain 152  husu  alta  no  tinan 2018  nain 98.

Nia  fo  Exemplu,  iha   pasiente  ain  tohar  nain  tolu  bele   husu  alta  sedu   ba  halo  tratmentu   tradisioanal,  mai  fali  iha  ospital  ho  kondisaun  grave   nia     ain   nee tenke   tesi , tamba   ruin  no  uat   sira  dodok  hotu  ona.

Nia  dehan,   kazu  hanesan   nee  barak sira  hili  tratamentu  tradisional  fila  mai  mediku  sira   labele  salva   ona,  tenke tesi  nia  ain  ou  liman  neebe   kanek.

Nia  hateten,  situsaun  ida  nee   sai   preokupasaun  boot,  tanba governu  oferese tratamentu sira gratuita, maibe  pasiente hili  dehan seluk  (tratamentu tradisional).

Iha  parte seluk,  pasiente fraktura (tohar), Arnaldo  da  Silva  hateten, ema  hotu  tenke   fo  fiar  ba  profesional  saude  sira   iha  ospital,  bainhira   ospital  iha  kapasidade  atu  fo  atendimentu   neebe  diak  liu.

Nia esplika, ho  dezastre  motor   neebe  rezulta  ain  sorin  karun  tohar,  maibe   ho  atendimentu  mediku  sira  nian  bele  rekopera  fali.

Iha   ema  balun   ba  komu  maibe   hau  hakarak  mai  iha   ospital  nee,   hodi  hetan  aimoruk  no  hau  fiar   hau  nia  ain  sei  diak  fali,”afirma Arnaldo. Jeniche da Costa

Facebook Comments

Leave a Reply

Your email address will not be published. Required fields are marked *