MECAE Koileta Ikan Iha Manatuto

MECAE Koileta Ikan Iha Manatuto

- in Economics
2246
0
Estanislau da Silva

MANATUTO – Gabinete Ministru Estadu Koordenador Asuntu Ekonomia (MECAE) koileta ikan ba kolam ikan iha Munisipiu Manatuto Suku Iliheu.

Liu husi koileta ikan nee, Ministro Koordenador Asuntu Ekonomia, Agrikultura no Peskas hatoo agradese ba komunidade, veteranus sira hamutuk ho autoridade lokal sira neebe mak simu sira ba iha fatin refere hodi koileta ikan iha fatin refere.

Ministru hateten, maske iha ajuda oituan maibe servisu hamutuk ho MECAE, hodi halo buat diak ba ita nian rai, ema neebe maka halo proposta maka Komandante Riak Leman.

Hau kontenti tebes wainhira komanante Riak Leman ba husu apoio, maibe laos iha Manatutu deit maibe veteranus husi fatin seluk mos ba husu apoio hanesan iha Baucau, Viqueque, Liquica, Ermera. Iha Viqueque iha seman oin mai, sei ba halo koileta,” haktuir Ministro Estadu Koordenador Asuntu Ekonomia Estanislau Alexo Da Silva.

Nia hatutan, bainhira servisu hamutuk ho populasaun neebe iha inisitiva liu husi veteranus, utilize veteranus sira nian naran, laos veteranus sira simu osan maka halo maibe estadu nian, responsablidade no fo tulun kontribui ba dezenvolvimentu. Agradese mos ba veteranu Riak Leman neebe mak mai servisu hamutuk ho veteranus sira seluk iha Iliheu.

Ministru mos kontenti tanba bele halo luan tan fatin neebe maka hakiak ikan nee,  tanba ruin labarak, no hakiak ikan nee bele faan, no han deit ba hakiak saude maibe ikan nee halo retasaun para fo han fali manu ka animal. Parabens ba iha inisiativa neebe halo husi komunidade sira hotu, liu-liu halo iha fatin resistensia nian fatin, hanesan iha Buruma Baucau, komadante Daitula nian subar fatin, iha mos fatin reistensia nian iha Gariwai Kairiri, uluk resistensia no subar fatin.

servisu neebe maka ami halo, wainhira hau assume kargu nee, servisu hamutuk ho tekniku sira, husi MECAE nia ekipa tekniku neebe maka mai husi MAP, ami buka fo asistensia ba jovens no komunidade sira neebe maka iha inisiativa rasik, servisu hamutuk ho veteranus nomos resistensia sira.

Iha hanesan Xefi Grupo Komanante Riak Lemon hateten, programa nee halao iha tinan kotuk, wainhira seidauk hari grupo nee rasik, veteranus halo enkontru ho MECAE no MAP, iha momento neeba, ministro fo hatene ba veteranus sira katak ba halo grupo atu hakiak ikan, hakiak animal, kuda modo komforme, depois maka halo pedido ba iha ministeriu, tanba nee veteranus Riak Leman mai organiza grupo rua maka hanesan Iliheu Manatutu nian nomos ida maka iha Same, grupo rua nee ohin ministerio mai halo ona koileta.

Aktividade nee ami iha koordenasaun ba malu, maske iha problema ruma, ikan neebe maka hakiak nee mai husi ministeriu husi Ermera Gleno, grupo nee rasik hamutuk nain 7 ou 8 maka iha laran. Problema neebe mak atu loke tan kolam barak-barak maibe hahan ba ikan nee maka laiha, tanba nee iha grupo nee rasik ba hola fali hare uut batar uut, iha problema hirak nee grupo nee  rasik hakarak husu ba Ministeriu hola tan makina rua, ida dulas batar lori ba same, ida dulas hare rai iha Iliheu nee rasik.

Nian hateten iha grupo nee rasik sei lapara iha nee deit, maibe sei aumenta tan nafatin ba oin, wainhira ministeriu haruka ona makina mai entau sei labuka tan ema nia hare uut atu sosa, dulas deit ona komunidade sira nia hare maka fo han ba ikan neebe maka iha, hanesan mos grupo neebe mak iha Same dulas deit batar maka foo han ikan.

Nian mos husu ba komunidade sira neebe maka iha inisiativa atu hakiak ikan nomos animal sira seluk, karik lahetan dalan ou dalan susar, bele husu dalan ba iha veteranu Riak Leman bele hatudu dalan ba sira. EST5

Facebook Comments

Leave a Reply

Your email address will not be published. Required fields are marked *