MECAE Halo Lansamentu Kolam Ikan Baucau

MECAE Halo Lansamentu Kolam Ikan Baucau

- in Economics
2541
0
Ilha Atauro

BAUCAU – Gabinete Ministru Estadu no Koordenador Ba Asuntu Ekonomia (MECAE) halo lansamentu / inagurasaun ba kolam ikan iha Munisipiu Baucau Postu Administrativu Baucau Vila Suku Buruma no Bahu.

Liu husi inagurasaun fatin ikan nee, xefi grupo hakiak estavanu hateten Grupo Gadomi Natureza, halibur nia grupo sira hamutuk nain sanulu resin ida 11, kompostu husi mane nain neen 6 no feto nain lima, dadaun nee sira sei ativa hela.

Ami nia grupo nee hatama proposta iha tinan 2015, ba iha Gabinete MECAE nian no konsege hetan apoio fundus subvensaun publiku tinan 2016 nian ho montante U$3.475. Objetivu husi apoio nee maka atu bele hatutan ba ami nian aktividade hodi hasae ekonomia familia, nunee apoio nee mos hanesan parte ida atu bele divertifika no dezenvolve ekonomia membru sira nian iha future,” haktuir Estabanu Da Costa Nuudar Xefi Grupo Hakiak Ikan ba jornalista sira Tersa (04/07/2017) iha Suku Bahu.

Xefi Grupo nee hateten apoiu neebe maka sira hetan nee, konforme tuir lei neebe maka hateten sei simu tuir fase adamentu ka sei simu iha faze rua, faze primeiru nian, grupo hetan apoio fundus pursetu haat nulu 40%. Husi total orsamentu refere halo ona despezas bazeia ba relatoriu neebe mak hatoo tiha ona iha Gabinete sua excelencia nian.

Faze segundu ekipa avaliador sira tun direitamente mai iha fatin, hodi haree ami nian aktividade no ikus konsege pasa, hodi kontinua ba iha segundu faze no hetan tan apoiu funtus 60% husi total fundus refere no konsege ezekuta ona maibe nia relatoriu seidauk hatama no sei hatama iha tempu badak nian laran,” tenik nia.

Nia hatutan tan katak, apoio fundus subvensaun publika tinan 2016 nian, iha MECAE grupo nee hetan kompletu ona hamutuk 100%, ikus mos xefi grupo hatoo agradese ba MECAE nian apoio tomak neebe durante nee, fo apoiu ba sira nia grupo no too ohin hetan lansamentu.

Iha fatin hanesan Official Polisia Suku (OPS) hateten uluk luta no haklalak tanba defede rai ida nee maibe ohin loron ukun an, hatama liman ba bolus, nusaa labuka moris ba aan rasik.

Uluk ita haklalak foti liman ba ukun rasik aan maibe too fali ita ukun rasik aan, ita hatama fali liman ba bolus laran, lao nonok hanesan buat ida lakona, maibe realidade agora, sira mos rona no halo duni buat neebe mak hau dehan iha tempu neeba. Hau husu ba joven sira sebele karik kontinua nafatin halo programa ida nee, para halao dezenvolvimentu nee lao ba oin nafatin, karik joven neebe mak seidauk partisipa iha grupo nee. bele atrai sira mai hamutuk atu nunee suku Buruma bele lao hakmate, suku bahu lao ba oin nafatin,” katak Fransisco de J. S. Silva nuudar OPS suku nian.

Nian mos husu nafatin ba joven sira, hamenus mos eru neebe maka estadu bandu, atu nunee bele tane netik Buruma ho Bahu nee, lao diak, karik bele halao deit aktividade neebe maka fo venefisiu ba nasaun nomos ba suku laran.

Iha fatin hanesan Ministro Koordenador Asunto Ekonomia hateten antes, hatoo agradese ba komunidade nomos ba veteranus nomos autoridade local sira neebe maka simu ona ministro too iha fatin refere, tanba durante nee iha deit baucau vila maibe iha oportunidade nee bele hakat too iha Bahu nee rasik, tanba nee nia agradese ba komunidade nomos ba autoridade hotu,

Ministro hateten, wainhira atu halao programa nee lao ho diak.

Nia agradese tanba joven sira ho inisiativa liu husi hakiak ikan. agora dadaun halo lansamentu hakiak ikan neebe. Alende nee laos hakiak deit hodi hetan osan no han maibe ikan nee mos hadia ema nian nutrisaun, ikan nee importante tebes ba saude, liu-liu ba labarik sira nian saude, ikan nian funsaun nee importante oinsa bele aumenta labarik sira nian kakutak.

Apoio neebe maka fo ita boot sira, hodi halao ba oin ho osan oituan neebe maka iha, nomos karik governu foun mai bele fo kontinuadade no asistensia tekniku nafatin, ita boot sira mos hatene foin lalais governu aprova ona eskema ida, bele habeler kreditu, sekarik aban bainrua imi hakarak negosiu nee halo boot liu, bele hare lai merkadu iha ka lae nee importante liu,”katak Ministro Estadu Koordenador ba Asuntu Ekonomia Estanislau Alexo Da Silva.

Nia hatutan, aktividade nee kiik maibe nian impaktu boot, wainhira barak sai mos hanesan fontes reseita ba suku, tanba nee saude importante ba ita ema nian saude, nomos Karik iha governasaun foun mai husu nafatin rekomendasaun ba sira, bele tau matan nafatin ba grupo neebe maka iha ona.* EST5

Facebook Comments

Leave a Reply

Your email address will not be published. Required fields are marked *