ME Reforsa Lian Ofisial Tetun-Portugues Ba Aprendizajen

ME Reforsa Lian Ofisial Tetun-Portugues Ba Aprendizajen

- in Edukasaun
763
0
Edukasaun

DILI – Ministeriu Edukasaun (ME), reforsa aprendizajen lian ofisial tetun no portugues, tanba Ministeriu tau materia hotu neebe elabora ona iha ME desde iha tinan 2013.

Tuir vise Ministra Edukasaun Primeira, Dulce Jesus Soares dehan, ME reforsa aprendizajen lian ofisial rua mak tetun no portugues, tanba nee, ME tau materia hotu neebe mak elabora tiha ona husi ME, iha 2013 agora iha faze implementasaun uza metodolojia no pedalojia global atu hanorin uza progresaun linguistika, atu hanorin lian tetun.

Ita uza metodolojia pedalojia global atu hanorin uza progresaun linguistika, atu hanorin lian tetun, tuir dadus  0,3% deit mak hatene portugues, entaun ita uza lian neebe mak sira hatene liu mak lian ofisial tetun, depois halo transferensia konsellu neebe mak sira uza tetun hodi aprende portugues,” dehan Dulce ba jornalista iha edifisiu CNE Caicoli, Dili, Tersa (16/05/2017).

Vise ME Dulce akresenta, ME esforsu atu halo, tanba TL iha lian rua mak tetun no portugues, maibe TL hotu iha direitu tomak atu hatene lian rua nee hotu ho lolos, tanba nee, materia didatikus neebe mak iha nivel avansadu no hetan rekonesementu husi ema barak.

Iha fatin hanesan Direitor edukasaun Munisipiu Viqueque, Emidio Amaral hatete, lian portugues no tetun nee hanesan lian ida neebe mak husi PN aprova ona, tanba nee, lian nee tenke uza ba iha prosesu aprendizajen iha eskola, tanba iha Timor nee, lian ofisial mak tetun no portugues. Jacinta Sequeira

Facebook Comments

Leave a Reply

Your email address will not be published. Required fields are marked *