ME Produs Meja-Kadeira Rihun Atus Ida Ba Eskola

ME Produs Meja-Kadeira Rihun Atus Ida Ba Eskola

- in Edukasaun
138
0
meja-eskola

DILI – Hahu tinan 2011 too 2015, Ministeriu Edukasaun (ME), produs ona meja no kadeira hamutuk rihun atus ida ba eskola iha teritoriu Timor laran tomak.

Informasaun nee fo sai husi Diretor Jeral ME, Antoninho Pires katak, iha tinan 2011-2015, governu nee produs kadeira kuaze rihun atus ida, tanba nee, kadeira rihun atus ida nee, ninia orsamentu neebe mak fundu mai husi ADN, neebe mak sosa kadeira ho meja kuaze rihun atus ida.

Agora nee kadeira rihun atus ida ita fahe hotu ona, maibe ba eskola sira neebe agora dadaun seidauk iha nee, tanba sira aumenta sala prosesu aprendizajen, entaun konserteja labele tama lai programa ida nee, nee bele tama iha tinan 2017, dala ruma sira aumenta sala foun,” hatete  DJ Antoninho ba STL iha edifisiu ME Vila-Verde Dili Kuarta (09/08/2017).

Iha parte seluk, Diretor edukasaun Munisipiu Viqueque, Emidio Amaral hatete, Meja no kadeira iha, eskola neebe hari foun mak meja no kadeira seidauk tama iha eskola, maibe ba iha eskola sira seluk nee meja no kadeira iha, tanba husi ME nasional aloka tiha ona ba iha sira nia eskola.

Nunee mos superintendente edukasaun Munisipiu Dili, Virgilio Cabral hatete, konaba fasilidade hanesan meja no kadeira, tuir sira nia inspeksaun ba eskola sira, fasilidade kompletu. Eskola balun neebe mak sei menus fasilidade, tanba numeru estudante aumenta, no aumenta tan sala prosesu aprendizajen. Jacinta Sequeira

Facebook Comments

Leave a Reply

Your email address will not be published. Required fields are marked *