ME-Eskola Privadu 23 Asina Akordu

ME-Eskola Privadu 23 Asina Akordu

- in Edukasaun
761
0
antonio-me

DILI– Governu liu husi Ministeriu Edukasaun (ME), asina akordu ho eskola privadu 23, iha Timor laran hodi fo sub-sidiu ou osan konsesaun eskolar, nunee fasilita atividade eskola, tanba partisipasaun eskola privadu ou fundasaun sira mos kontribui ba kualidade edukasaun.

Tuir Ministru Edukasaun Antonio da Conceicao hatete, ohin sira asina akordu halo kooperasaun ho fundasaun eskola privadu sira hamutuk 23, hodi fo sub-sidiu eskolar neebe mos kada tinan sempre ba eskola sira.

Osan sira nee  fo atu nunee hodi bele ajuda eskola atu haree ba buat kiik oan sira hanesan kadiadu odamatan aat, mangeira aat, no buat ruma neebe mak eskola presiza hodi haree dadaun ona, tanba nee fulan-fulan fo, i total osan nee hira-hira depende ba total alunus iha eskola  multiplika ba alunu ida hetan dolar ida neebe sira simu  fulan-fulan,” katak Antonio ba jornalista iha Ministeriu Edukasaun Vila-Verde hafoin partisipa serimonia asina akordu entre Me ho eskola privadu, Segunda (17/07/2017).

Nia mos informa, governu halo ida nee atu dudu nafatin politika edukasaun gratuita, neebe direitu neebe fo ba eskola publika hanesan mos fo ba eskola privadu sira, neebe osan sira tratamentu igual ho eskola publika.

Iha fatin hanesan, Fundador Eskola Nobel da Paz Pedro Nunes Menezes, agradese tebes ba estadu no governu espesial ba Ministeriu Edukasaun, tanba iha hanoin pozitivu atu koopera hamutuk ho sira nia eskola hanesan eskola privadu, atu nunee hodi fasilita sira nia atividade iha eskola ida-idak. Guilhermina Franco

Facebook Comments

Leave a Reply

Your email address will not be published. Required fields are marked *