ME Despedida Bolseiru Nain 6 Ba Portugal, Tenke Uza Oportunidade Ho Diak

ME Despedida Bolseiru Nain 6 Ba Portugal, Tenke Uza Oportunidade Ho Diak

- in Edukasaun
836
0
iniverdadue

DILI – Ministeriu Edukasaun (ME) halao despedida ba estudante bolseiru nain 6, neebe maka atu ba estuda iha Portugal. Tanba nee, ME husu estudante atu uja oportunidade hodi hatudu rezultadu diak.

Tuir Vice Ministra atual Ministra Internu Edukasaun Dulce de Jesus katak, bolseiru sira nee loke ba publiku, neebe lataka dalan ba ema se deit, ba bolseiru atu ba Portugal nee iha ema nain 70 resin mak aplika, maibe tuir prosesu hotu too edukasaun halo, too ikus iha nain 10 mak liu. Neebe Tersa (27/9/2016) iha nain 6 mak aranka uluk, nain 4 seluk sei tuir iha tempu badak nia laran.

Bain-bain hau sempre koalia ba bolseiru sira hanesan inan, hanesan bin hanesan vice Ministra katak, oan sira no joven sira neebe mak hetan bolsu estudu, nee atu sira uza oportunidade hodi aprende saida mak sira hetan iha neeba, fila mai dezenvolve rai ida nee,” katak Dulce ba jornalista, hafoin partisipa serimonia despedida bolseiru nain 6 ba portugal, Segunda (26/09/2016) iha Vila-Verde, ME.

Nia hatete, maibe mos laos dehan kata sira ba para atu hare deit ba estuda, sira mos tenke buka liga ho ema rai nain para oinsa atu buka hatene vida sosial, pois hodi estuda atu nunee loron ida fila mai tenke lori rezultadu neebe mak ema hotu hakarak.

Iha fatin hanesan Koordenador Interino Gabinete Coordensaun Apoiu Estudante, Fernando Moujinho Gama hatete, ba estudante sira neebe mak atu eskola iha Portugal iha area oin-oin, sira atu ba nee liu husi prosesu neebe naruk, neebe iha nain 10 mak liu atu ba iha Portugal.

Nunee mos Reprezentente Bolseiru Jenobeba Maria Jacinta Amaral hatete, nia hatoo obrigado no agradese ba embaixada ho ME, neebe mak oferese ona bolseiru ba sira. Informasaun kompletu iha STL Jornal no STL Web, edisaun Tersa (27/9/2016). Guilhermina Franco / Jacinta Sequeira

Komentariu

Facebook Comments

Leave a Reply

Your email address will not be published. Required fields are marked *