ME Buka Hadia Kualidade Edukasaun

ME Buka Hadia Kualidade Edukasaun

- in Edukasaun
822
0
kondisaun-eskola

DILI-Ministeriu Edukasaun (ME), iha komitmentu politika ida atu buka solusaun hodi rezolve kualidade edukasaun iha Timor  Leste  (TL), tanba  ema hotu-hotu sai preokupa nafatin  ba setor  edukasaun.

Tuir  deputadu husi bankada  CNRT, Patrocino  F, dos  Santos, dehan, kualidade edukasaun nee, asuntu ida neebe mak ema hotu-hotu preokupa, maibe iha faze konstrusaun estadu, tanba esforsu barak neebe mak governu halo para atu bele eleba kualidade liu husi  halo enkuantramentu legal , halo lei nomos  tau  perioridade ba iha konstrusaun, liu-liu ba infransturtura eskola ninia.

Hau hanoin kualidade edukasaun nee, asuntu ida neebe mak ema hotu-hotu preokupa, maibe ita mos atu haree katak, ita iha faze konstrusaun estadu, tanba esforsu barak neebe mak governu halo para atu bele eleba kualidade liu husi  halo enkuantramentu legal sira, lei. Depois tau mos perioridade ba iha konstrusaun, liu-liu ba infransturtura eskola ninia,”  dehan  deputadu  Patrocino   ba  STL iha uma fukun PN  Dili  Segunda  (11/09/2017).

Nia hatete, durante nee governu liu husi Ministeriu  Edukasaun  (ME), iha ona esforsu ida, maske iha frakeza oi-oin  iha fatin-fatin, liu-liu ema hakilar konaba kualidade edukasaun, maibe iha esperansa katak, neneik  TL  sei bele hadiak diak liu tan setor edukasaun.

“Governu presiza iha komitmentu politika, atu bele eleba kualidade edukasaun.Nudar  reprejentante povu, hau nian espetativa  ba governu foun mai, ita hein katak, ministru ida  neebe mak  tuur  iha  Ministeriu  Edukasaun  (ME), ho ninia hanoin ida, para  atu bele kontinua politika sira neebe mak  Ministru sesante  halao tiha ona,” dehan nia.

Nunee mos  deputadu husi bankada Khunto, Luis  Roberto  da  Silva,  hatete, molok tama iha kurrikulum, primeiru tenke kria uluk kondisaun, hanesan  fatin eskola, maske kurrikulum diak, bainhira kondisaun eskola la diak, kualidade edukasaun sei la lao diak.

Tuir bankada khunto ninia haree, konaba sistema edukasaun neebe mak lao iha Timor Leste  (TL), seidauk diak, entaun partidu khunto nian hakarak  atu hadia Sistema kurikulum edukasaun iha  Timor  Leste  (TL), tanba liu husi kurrikulum ida nee, ita nian professor no profossora sira bele eduka ita nian jerasaun sir abele  iha kualidade,” nia dehan.

Iha parte seluk, Pe. Angelo Salsinha, Pr, hatete katak presiza sei kria kondisaun neebe mak diak, para atu atinji mehi neebe nia iha, maibehotu-hotu mak laiha mehi no planu neebe mak diak, tanba nee, tenke iha prinsipiu no komitmentu ida neebe mak diak atu dezenvolve kualidade edukasaun iha TL.

“Kualidade edukasaun nee, mai  husi konforme ita nian vizaun  saida mak ita mehi ba ita nian  oan sira  iha futuru, hahu ohin, tanba ema hotu-hotu iha mehi, perioridade neebe mak importante, hatudu iha ninia hahalok, no kria kondisaun neebe mak diak atu bele atinji mehi neebe nia iha,” nia dehan. Jacinta Sequeira/Lucia Ximenes

Facebook Comments

Leave a Reply

Your email address will not be published. Required fields are marked *