ME Apela Ba Estudante Area Eskola Laos Fatin Halo Sparing

ME Apela Ba Estudante Area Eskola Laos Fatin Halo Sparing

- in Edukasaun
768
0
kondisaun-eskola

DILI – Area  eskola nee fatin ida neebe mak atu prepara ema sai matenek, tanba nee, Ministeriu Edukasaun (ME), apela ba estudante sira katak, area eskola laos fatin atu halo esparin ou buka malu hamosu konflitu, kestaun nee relasiona ho problema neebe mak mosu husi estudantes Nobel da Paz no 4 de Setembru.

Tuir Direitor Jeral husi ME, Antoninho Pires, apela ba estudante sira tenke iha konsiensia rasik, tanba area eskola nee laos fatin neebe mak atu halo problema, ou buat ida ema bolu dehan sparing nee lae, tanba eskola nee hanesan fatin ida neebe mak produs ema atu sai matenek, no estudante sira mai iha eskola simu siensia husi professor sira.

Hau nia mensajen hanesan bai-bain hau koalia tiha ona katak, ba eskola nee objetivu atu estuda, no buka atu aprende siensia husi ita nia professor sira neebe mak loron-loron atu hanorin ita nia estudante sira, no buka para atu sai matenek, no laos ba halo fali esparin, tanba area eskola nee fatin atu bele prepara ema atu sai diak baa ban bain rua, no ami husu mos ba komunidade hanesan inan aman sira haruka oan sira mai eskola tenke fo hanoin ba sira,” dehan DJ Antoninho ba STL iha edifisiu ME Vila-Verde Dili, Sesta (12/05/2017).

Nunee mos Direitor edukasaun Munisipiu Dili, Duarte Braganca hatete, hanesan direitor edukasaun Munisipiu Dili husu ba estudante sira atu bele evita problema, no labele hamosu problema ruma iha area eskola, tanba nee, direitor eskola no professor ida-idak tenke halo kontrolu ba estudante sira, no preziza iha regras ruma para estudante sira labele hamosu problema entre husi eskola ida ba iha eskola seluk.

Entretantu Julio Maia hanesan estudante sestu ano  husi EBC 10  de dezembru Comoro, hatete, sira hanesan estudantes EBC, maibe durante nee sira nia eskola ladun iha problema, maske   estudantes husi sekundariu mak uluk mosu duni problema ho eskola finantil, maibe agora dadaun  estuantes husi eskola rua nee ladun  halo ona problema. Jacinta Sequeira

Facebook Comments

Leave a Reply

Your email address will not be published. Required fields are marked *