MCI Inagura Loja Duty Free

MCI Inagura Loja Duty Free

- in Economics
258
0
rotunda

DILI-Ministeriu Komersiu Industria (MCI) liu husi Diretur Jeral inaguraLoja Duty Free neebe estabelese iha Aeroportu Internasional Prezidente Nicolau Lobato Dili, hodi faan produtu lokal inklui tua ho modelu oin oin ho folin internasional ba pasjeirus neebe mak iha interese atu sosa.

Tuir Diretur Jeral MCI, Virgilio dos Santos, estabelesimentu loja ida nee importante tebes tanba, bele faan tua oin oin iha laran inklui produtu Timor nian balun neebe. Tanba nee parte husi komersiu nian sei fo nafatin apoiu, liu liu kuadru legais atu nunee bele dezenvolve diak liu tan.

Ami sei fo apoiu nafatin ba loja laran nee, laos tua deit maibe ita nia produtu organiku maka hanesan kafeno produtu sira seluk neebe Timor nian iha faan hotu ona iha nee ho folin internasional, ida nee hanesan pasu ida atu promove mos ita nia produtu rai laran,”informa Diretur Jeral MCIA, Virgilio dos Santos ba Jornalista, Sesta (06/10/2017) iha Aeroportu Internasional Prezidente Nicolau Lobato Dili.

Diretur nee esplika, estabelese loja ida nee atu fo mos servisu ba Timor oan sira, tanba Timor oan barak maka servisu iha fatin ida nee. Ho razaun nee hanesan orgullu boot ba setor privadu sira maske governu ida nee lao neneik liu maibe, setor privadu sira hanesan kareta neebe lao nafatin ba oin, no setor privadu sira maka ai rin ba ekonomia TL.

Nia mos informa liu tan katak, setor privadu neebe iha finanseiru barak maka, iha inisiativa neebe diak hodi halo atividade oin oin, hanesan agora dadauk loke loja. Tanba nee, MCI sei esforsu atu fasilita diak liu tan atividade neebe setor privadu sira halo iha rai laran.

Iha fatin hanesan Diretur Operasional, Marcelino Neves hatutan, Loja ida nee laos ema estranjeiru nian maibe inisiativa husi setor privadu Timor nian mak atu promove produtu rai laran iha fatin ida nee tanba konsidera fatin estratejia neebe mak ema estranjeirus tama sai.

Ita estabelese loja ida nee atu faan produtu hotu hotu iha laran, maske agora produtu ouituan deit maibe ba oin ami sei tau hotu produtu oin oin iha nee, inklui kafe Timor tanba nee ami komesa promove dadauk ona kafe mai husi Munisipiu balun, hanesan kafe Ermera, Ainaro, Same, alien de kafe ami mos sei tau hotu produtu seluk hanesan, kuerambu, hudi sona, inklui produtu sira seluk,”informa manajer nee.

Nunee mos Prezidente Camara Comersiu Industria TL (CCI-TL), Oscar Lima hateten, hanesan emprejariu senior sente orgullu tanba setor privadu Timor oan sira mos iha duni inisiativa atu halo atividade hanesan nee.

“Hau agredese tanba Timor oan sira maka sai nain ba loja ida nee, no rendimentu atu barak ka ouituan importante maka osan sira nee, bele serkula iha ita nia rai laran, tan nee ita hein katak liu husi loja ida nee sei lori rezultadu neebe diak,”informa Prezidente CCI-TL Oscar Lima. Madalena Horta

Facebook Comments

Leave a Reply

Your email address will not be published. Required fields are marked *