Matias: VII Governu Konstitusional Laos Governu Jestaun

Matias: VII Governu Konstitusional Laos Governu Jestaun

- in Nasional
155
0
koligasaun

DILI- Sekertariu Estadu Konsellu Ministru Komunikasaun Sosial Matias Boavida hateten, VII Governu Konstitusional emposadu husi Prezidente da RDTL no fisku, tanba nee Governu jestaun mosu wainhira Governu nee lori ba dala rua programa ba aprezenta iha Parlamentu Nasional iha neebe mosu rejeisaun maka Governu monu no hahu husi neeba hanesan Governu jestaun.

Agora nee Governu lejitimu Governu Konstitusional neebe hanaran VII Governu Konstitusional, laos Governu jestaun,” dehan Sekertariu Estadu Matias, ba jornalista sira iha Palasiu Governu, Kinta (09/11/2017).

Iha parte ketak Deputadu Antoninho Bianco husi Bankada Fretilin hatete, governu agora laos jestaun, maibe governu agora VII governu konstituisaun. Kuandu bolu jestaun nee bainhira governu nee liu prazu ona, maibe halao nia knaar hodi hein iha prosesu ba governu foun.

Nia hatete, kuandu governu neebe forma, tenke halao servisu, neebe antes de programa governu, tenke reajusta OR 2017 laos 2018. Tanba 2018 programa governu aprova tiha mak foin aprezenta OJE, maibe agora OR nee ratifika osan neebe iha ona 2017 ba nesesidade neebe presiza.

Xefi bankada PLP deputadu Fidelis Maglahes hateten, tuir deklarasaun neebe maka Governu halo tiha ona katak, Orsamentu Ratefikativu tanba iha nesesidade urjensia presiza atu fo atensaun ba ida nee, deputadu sira tenke analiza hare para OR nee hodi responde ba saida maka Governu hato tiha nee. Carme Ximenes

 

 

Facebook Comments

Leave a Reply

Your email address will not be published. Required fields are marked *