Maske Lao Neneik, Dezenvolvimentu Kontinua Lao Ba Oin

Maske Lao Neneik, Dezenvolvimentu Kontinua Lao Ba Oin

- in Distritu
2075
0
Povu Oecuse

BAUCAU-Membru veteranus husi Baucau, Amaro Freitas hateten, maske dezenvolvimentu iha Munisipiu Baucau lao neneik maibe kontinua lao ba oin. Agora lahanesan ona ho tempu uluk. Nunee mos mentalidade komunidade, komesa iha ona konsensia, koalia rona malu ona. Iha mudansa signifikan.

Husi mudansa neebe iha, katak Amaro, atu muda situasaun sira hanesan, laos imediatu maibe muda neneik ba bebeik hodi lao ba oin. “Kompara ho tinan kotuk ho agora, iha diferensia boot. Uluk Baucau nakonu ho odiu malu,baku malu, laiha hanoin ba dezenvolvimentu nasaun, maibe agora komunidade komesa komprende ona saida mak dezenvolvimentu. Mesmu lao neneik ba oin ona maibe hatudu mudansa positivus,” hateten Amaro Freitas ba STL iha Edisifisu STAE Bauca, Sabadu (19/7/2017).

Husi fatin seluk komunidade Mario C. Freitas hateten dezenvolvimentu iha Munisipiu Baucau oras nee lao ona maibe ema barak seidauk senti. Povubarak sei hakilar ba iha dezenvolvimentu. “Hau haree dezenvolvimentu lao ona ba oin, maibe komunidade barak maka seidauk senti konaba dezenvolvimentu, balun senti kontenti ho dezenvolvimentu no balun lasastipas ho dezenvolvimentu, tanba iha area balun komunidade sei hakilar hela ba bee mos, estrada, no eletrisidade,” hateten Mario C. Freitas.

Nia husu ba governu governasaun foun, halo tuir buat neebe maka sira koalia ona konaba dezenvolvimentu iha tempu kampanha nia laran. “Lori komunidade nian naran, hau husu ba governu neebe maka manan iha elisaun parlamentar diak liu halo tuir buat neebe maka sira romesa ona iha eleisaun parlamentar, labele koalia deit dezenvolvimentu maibe implementasaun laiha. Tuir lolos, tenke tun ba area remotas hodi haree povu nia preokupasaun, hanesan konaba bee mos, eletrisidade, no seluk tan”. Est-5

Facebook Comments

Leave a Reply

Your email address will not be published. Required fields are marked *