Mary Mackillop Gradua Inan Aman 63

Mary Mackillop Gradua Inan Aman 63

- in Edukasaun
457
0
klase-paralelo

DILI –Mary Mackillop fo Graduasaun ba inan aman hamutuk 63, neebe durante fulan tolu ho balun tuir treinamentu parente.

Seremonia graduasaun nee ba inan aman hamutuk 63, neebe atende ona treinamentu parente ba fulan 3 ho balun, hahu husi Marco Too Junu 2017 nee halao iha salaun centru formasaun Mary Mackillip, Sesta (16/6/2017).

Tuir Director Mary Mackillop Alipio Baltazar katak treinamentu nee tarjetu ba inan aman neebe mak oan escola ona iha pre-escolar no ensinu baziku klase 1 ou 2, atu nunee sira bele tulun oan sira iha uma. Objetivu husi treinamentu nee mos atu hasae inan ama sira nia kapasidade no koinesementu.

Alipio dehan lisaun neebe mak hanorin ba sira adopta kurikulum Nasional husi Ministeriu Edukasaun ba Pre-Escolar no Ensino Baziku, no programa nee foka liu atu hasae kapasidade mestre no parante inan aman sira, liu husi programa literaria saude, parentes no Centro Apredijazen Movel. Programa nee halao ona iha Municipiu Dili, Liquisa, Bobonaro, Manufahi no Viqueque.

Ami hakarak ajuda edukasaun iha neebe bolu integradu intermus mestri hanorin iha escola, inan aman mai uma mos hanorin iha uma, tanba ami nia area espesialidade nee hare liu ba oinsa tulun inan aman sira iha Timor, para hasae kualidade edukasaun ba labarik sira neebe iha uma, nomos iha escola baziku no pre-escolar,” dehan Alipio.

Iha fatin hanesan Eliasefa Barreto, nudar Xefi Departamentu Administrasaun E Jestaun Diresaun Nasional Edukasaun Pre-Escolar hateten husi diresaun Edukasaun Pre-Escolar orgulho ho programa neebe mak realiza husi Mary Mackillop, ida nee hanesan parte ida ho vizaun atu atinzi apredizajen ba labarik iha escola pre-escolar.

Aliende nee mos fahe informasaun ba komunidade no inan aman sira atu fo informasaun konaba lalaok pre-escolar iha Timor-laran tomak, realidade komunidade sira area rural seidauk komprende konaba lalaok pre-escolar husi prosesu pre-escolar nian.

Eliasafa hatutan, Diresaun Pre-Escolar apresia programa nee no agradese ba Mery Macklillop inklui inan aman neebe hetan ona konsementu konaba hanorin no lalaok iha pre-escolar, lasees husi Kurikulum Nasional, tanba ho konteudu neebe mak sira aprende fulan tolu, bajeia ba kurikulum legal husi Nasional Pre-Escolar neebe mak establese iha escola sira.

Nia dehan Inan Aman neebe mak hola parte ona iha programa nee sira iha ona konsementu, iha atividade bele hatutan informasaun ba inan aman seluk neebe mak seidauk iha konsementu konaba lalaok no prosesu hanorin aprende ba iha edukasaun pre-escolar.

Buat neebe mak sira aprende durante fulan tolu bele aplika ba iha sira nia moris loron-loron, liu-liu ba sira nia oan neebe mak tempu barak liu hamutuk ho sira, ida nee benefisiu ba sira nia oan rasik, atu sai labarik neebe kualidade iha uma laran nomos ba nasaun.

Iha sorin seluk Elisa Cardoso hanesan inan neebe hetan gradua senti kontenti ba programa nee, tanba liu husi programa nee bele kapasita diak liu tan oinsa bele hanorin oan iha uma.

Ami hakarak agradese tebes ho programa ida nee, tanba programa ida nee hanesan fini diak ba inan aman neebe mak hanorin ba oan sira, durante nee ami seidauk tuir formasaun nee ami husik deit ami nia oan ba mestri sira mak hanorin no iha uma lahanorin ami nian oan sira, maibe ho treinamentu nee halo halo ami inan aman sira oinsa mak hanorin oan sira, tanba oan sira oras barak liu nee ho inan aman, Ami senti kontenti tebes tanba foin premeira ves ami hetan formasaun nee ba formasaun neebe mak fo treinamnetu ba ami nomos fahe esperensia liu-liu konaba edukasaun nee ba ami,” dehan Elisa.

Nia dehan lisaun neebe sira hetan sei lahusik leet deit, sira sei nafatin hanorin ba oan sira. *EST5

Facebook Comments

Leave a Reply

Your email address will not be published. Required fields are marked *