Markasaun Fronteira Maritima Prioridade Ba TL

Markasaun Fronteira Maritima Prioridade Ba TL

- in Notisias Online, Top News
746
0
mmm

DILI – Presidenti Republika Taur Matan Ruak hatete, demarkasaun Fronteira Maritima sai nuudar prioridade nasionsl ida ba Timor-Leste, tamba buat nee sai nuudar asuntu pendenti ida iha ambitu relasaun ho Austrália.

Presidenti Republika iha konesimentu, ho laran-haksolok, kona-ba deklarasaun sira hosi Sua Eselensia Pimeiru-Ministru Australia nian kona-ba importansia atu iha iha rezolusaun pasifika ida ba diferensa sira hotu iha respeitu ba direitu internasional, inklui UNCLOS, nuudar Konvensaun Nasoins Unidas nian kona-ba Lei Tasi.

Demarkasaun ba ita-nia fronteira maritima sai nuudar prioridade Nasional ida ba Timor-Leste,tamba buat nee sai nuudar asuntu pendenti ida iha ambitu ba relasaun ho Austrália, I solusaun ba kestaun ida-nee sei kontribui atu haklean liutan ita-nia relasaun ba vizinansa diak no amizade nomos atu hametin konfiansa mutual,” dehan PR Taur, bainhira iha seremonia entrega grande kolar da ordem de Timor Leste ba Governador-Jeneral Peter, iha iha salaun CPLP, Presidenti Nicolau Lobato, Kinta (03/03/2016).

Nomos deklarasaun sira hosi responsável hosi Opozisaun iha Parlamentu Australia neebe iha konverjensia kona-ba importansia atu hametin orden internasionál ida-neebe bazeia ba Direitu, inklui Konvensaun UNCLOS nee.

Mundu neebe ema moris hela daudaun nee tuir Xefe Estadu katak, haree ba markadu liutan ona hosi imprevizibilidade. Funu no instabilidade—polítika, ekonómika no sosiál—kondisiona situasaun iha rejiaun sira bara-barak. Violasaun kruel no xokante ba direitu báziku sira no ba dignidade umana sai nu’udar realidade loron-loron iha rai bara-barak.

Iha fatin hanesan Governador Jeneral de Australia, Jeneral Sir Peter Cosgrove hatete, relasaun neebe mak hakiak ona, sei kontinua moris buras no metin too jerasaun barak mai, Australia hakarak Timor Leste neebe seguru no prosperu, ida nee interese komum husi nasaun rua nee nian, hanesan vizinu no mos belun. Informasaun kompletu iha STL jornal no STL Web, edisaun Sesta (4/3/2016). Carme Ximenes

Komentariu

Facebook Comments

Leave a Reply

Your email address will not be published. Required fields are marked *