Mari-Taur Modelu Ba Jerasaun Foun

Mari-Taur Modelu Ba Jerasaun Foun

- in Nasional
238
0
1604382_1033057823486533_1559829927161377424_n

DILI – Sorumutu entre Mari no Taur matan Ruak hanesan modelu neebe diak ba Jerasaun foun, Maske iha diferensia politika maibe espiritu pesoal ba interese nasional nafatin tane aas.

Mari no Taur Matan Ruak rasik iha Kinta (10/08/2017) halao sorumutu ba primeiru hafoin tempu naruk hadook malu, inklui wainhira foin lalais tempu kampana mos mosu insulta ba malu, nunee hamosu presepasaun desentedementu iha publiku nia leet.

Maibe lider rua nee (Mari no Taur) konsege hasoru formalmente wainhira Taur resposta karta husi Fretilin, relasiona ho formasaun setimu governu neebe halao iha Hotel Novu Turismu Lecidere Dili.

Iha sorumutu nee rasik Mari no Taur hatudu sentidu nuudar lider, eis Xefe estadu F-FDTL no Primeiru Ministru nee hakuak malu metin no soe hamnasa ba malu nuudar maun no alin. Maske rezultadu husi inkontru refere la serteza atu kolabora hamutuk iha setimu guvernasaun, tamba PLP neebe lidera husi Taur Matan Ruak deklara hakarak iha opozisaun no kongratula Fretilin nuudar partidu mais votadu iha elpar.

Haree ba modelu neebe lider rua nee hatudu, veteranu Antonio Ai-tahan Matak wainhira STL husu hatete enkontru lider masimu nain rua husi partidu Fretelin Mari Alkatiri no partidu PLP, Taur Matan Ruak la imajina katak sei la hasoru malu maibe no fim sira nain rua hasoru malu tamba iha sentidu estadu neebe mak forte tebes maske ideas mak dalaruama la hanesan.

Pessoalmente hau hare kamarada Mari no Taur Matan Ruak dalaruma liafuan ruma mosu iha kampania eleitoral lamonu laran maibe la liliga ba sentidu estadu demokratiku nian tamba hakarak hatudu modelu ba jerasaun foin sira,”dehan Antonio.

Nia hatutan, ulun boot nain rua hasoru malu nee Taur Matan Ruak lori reprejentante partidu PLP nian no Mari Alkateri lori partidu Fretelin nian naran tamba povu sira nain rua simu povu nia konfiansa hodi hetan kadeira 8 no ida seluk hetan kadeira 23 iha Parlamentu Nasional.  Domingos Piedade/Natalino Belo

Facebook Comments

Leave a Reply

Your email address will not be published. Required fields are marked *