MAP Ho Parseru, Lansa Rezultadu Peskiza

MAP Ho Parseru, Lansa Rezultadu Peskiza

- in Economics
2423
0
Estanislau da Silva

DILI – Ministeriu Agrikultura Peskas (MAP) servisu hamutuk ho parseru Dezenvolvimentu halo lansamentu rezultadu peskiza iha Munisipiu hitu mak hanesan Baucau, Bobonaro, Covalima, Manufahi, Lautem, Oecusse no Viqueque.

Kooperasaun servisu hamutuk nee, MAP ho parseru Dezenvolvimentu inklui NGO Internasional sira halo lebantamentu ida konaba inpaktu mudansa klimatika ninian.

Alterasaun klimatika neebe mak ita ohin loron Agrikultor sira infrenta iha areas rurais, aihan sira nebe mak kuda ba han no ba faan, iha nee sira apresenta resultadu nebe mak ladiak. Tuir lolos ita iha bailoro, maibe agora udan nafatin entaun ohin nee ami tuur hamutuk, oinsa buka medidas bainhira situasaun nee akontese,” dehan Ministru Agrikultura e Peskas, Estanislau Aleixo da Silva ba STL Segunda (10/7/2017) iha salaun enkontru MAP Comoro Dili.

Lansamentu rezultadu peskiza nee, partidipa husi CLN ninian hodi halo intervensaun ruma husi parte governu ninian ba fini no medidas saida maka tenke hola bainhira fini nee hotu ona ou lae batar ka hare neebe mak mate fini foun iha kalae.

Ita agora hare liu mak inpaktu para ita nia komunidade sira moris iha area rurais labele hetan sofre makaas, liu-liu asesu ba aihan nutrisaun depois hare mos variedade batar ninian para ita kuda nee labele mate arbiru para too iha tempu bele halo koileta,” dehan nia.

Estanislau salienta peskiza nebe mak halao iha Munisipiu hitu nee, hanesan amostra signifika katak bele halo extrakulasaun, dadus sira nee bele habelar mos ba iha Munisipiu sira seluk tanba impaktu ba mudansa klimatika nee kuaze iha teritoriu Timor laran tomak.

Iha fatin hanesan Diretor Nasional Seguransa Alimentar e Coperasaun (DNSAC), Justino dos Santos Silva hateten, peskiza nee hanesan kontinuasaun husi tinan 2015-2016.

Ninian peskiza nee halo husi fulan Fevereiru too Marsu, depois aprezenta nia rezultadu iha fulan Junu, depois iha segunda faze maibe iha momentu neeba, loro naruk entaun atu halo iha fulan Novembru maibe paradu tiha.

Justino hateten, Munisipiu neen nee baze ba ajensia sira hodi ajuda halo peskiza ba Munisipiu sira hanesan Baucau, Bobonaro, Covalima, Manufahi, Lautem, Oecusse no Viqueque ho total suku hamutuk 29 no aldea 68. EST6

Facebook Comments

Leave a Reply

Your email address will not be published. Required fields are marked *